"Б" корпусы мемлекеттік әкімшілік қызметшілерінің қызметін бағалаудың әдістемесін бекіту туралы

Қазақстан Республикасының 2015 жылғы 23 қарашадағы "Қазақстан Республикасының мемлекеттік қызметі туралы" Заңына сәйкес облыс әкімдігі ҚАУЛЫ ЕТЕДІ:

1. Қоса беріліп отырған "Маңғыстау облысы әкімінің аппараты" мемлекеттік мекемесінің, облыстық бюджеттен қаржыландырылатын облыстық атқарушы органдарының "Б" корпусы мемлекеттік әкімшілік қызметшілерінің қызметін бағалаудың әдістемесі бекітілсін.

2. Маңғыстау облысы әкімдігінің 2017 жылғы 13 наурыздағы № 63 "Маңғыстау облысы әкімінің аппараты" мемлекеттік мекемесінің, облыстық бюджеттен қаржыландырылатын облыстық атқарушы органдарының "Б" корпусы мемлекеттік әкімшілік қызметшілерінің қызметін бағалаудың әдістемесін бекіту туралы" қаулысының (нормативтік құқықтық актілерді мемлекеттік тіркеу Тізілімінде № 3296 болып тіркелген, Қазақстан Республикасы нормативтік құқықтық актілерінің эталондық бақылау банкінде 2017 жылғы 3 сәуірде жарияланған) күші жойылды деп танылсын.

3. "Маңғыстау облысы әкімінің аппараты" мемлекеттік мекемесі (А.К. Рзаханов) осы қаулының әділет органдарында мемлекеттік тіркелуін, Қазақстан Республикасы нормативтік құқықтық актілерінің эталондық бақылау банкінде және бұқаралық ақпарат құралдарында оның ресми жариялануын қамтамасыз етсін.

4. Осы қаулының орындалуын бақылау облыс әкімі аппаратының басшысы А.К. Рзахановқа жүктелсін.

5. Осы қаулы әділет органдарында мемлекеттік тіркелген күннен бастап күшіне енеді және ол алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Облыс әкімі

Е. Тоғжанов

"КЕЛІСІЛДІ"

"Маңғыстау облысы әкімінің аппараты"

мемлекеттік мекемесінің басшысы

А.К. Рзаханов

"05" наурыз 2018 ж.

Маңғыстау облысы әкімдігінің
2018 жылғы "5" наурыз
№ 38 қаулысымен бекітілген

"Маңғыстау облысы әкімінің аппараты" мемлекеттік мекемесінің, облыстық бюджеттен қаржыландырылатын облыстық атқарушы органдарының "Б" корпусы мемлекеттік әкімшілік қызметшілерінің қызметін бағалаудың әдістемесі 1. Жалпы ережелер

1. Осы "Маңғыстау облысы әкімінің аппараты" мемлекеттік мекемесінің, облыстық бюджеттен қаржыландырылатын облыстық атқарушы органдарының "Б" корпусы мемлекеттік әкімшілік қызметшілерінің қызметін бағалаудың әдістемесі (бұдан әрі – Әдістеме) Қазақстан Республикасының 2015 жылғы 23 қарашадағы "Қазақстан Республикасының мемлекеттік қызметі туралы" Заңы 33 бабының 5 тармағына сәйкес әзірленген және "Б" корпусы мемлекеттік әкімшілік қызметшілерінің (бұдан әрі – "Б" корпусының қызметшілері) қызметін бағалау тәртібін айқындайды.

2. Осы Әдістемеде қолданылатын негізгі ұғымдар:

1) тікелей басшы – дербес бағынысында болып табылатын бағаланушы қызметшіге қатысты тұлға;

2) жоғары тұрған басшы – дербес бағынысты болып табылатын, бағаланушы қызметшінің тікелей басшысына қатысты тұлға;

3) нысаналы мақсатты индикаторлар (бұдан әрі – НМИ) – мемлекеттік органның стратегиялық жоспарына, "А" корпусы қызметшісінің саяси мемлекеттік қызметшінің меморандумына/келісіміне сәйкес немесе "Б" корпусы қызметшісі қызметінің ерекшелігі (процесстік жұмысты қоспағанда) олар белгіленетін, қызметінің тиімділігін айқындайтын қол жеткізген көрсеткіштері тұрғысынан белгіленеді;

4) жеке жұмыс жоспары – "Б" корпусы қызметшісінің бағалау кезеңіне НМИ қарастырылған және тікелей басшысымен бірлесіп жасалатын және жоғары тұрған басшымен бекітілген құжат;

5) құзыреттер – нақты мемлекеттік лауазымда кәсіби қызметті тиімді түрде атқару үшін қажетті білімнің, икемнің және дағдылардың жиынтығы;

6) мінез-құлық индикаторы – "Б" корпусы қызметшісінің мінез-құлық және құзыреттер деңгейі көрінісінің сипаттамасы;

3. "Б" корпусы қызметшілерінің қызметін бағалау (бұдан әрі – бағалау) олар жұмысының сапасы мен тиімділігін айқындау үшін өткізіледі.

4. "Б" корпусы қызметшісінің нақты лауазымға келу мерзімі үш айдан кем болған жағдайда, соның ішінде әлеуметтік демалыстан шыққаннан немесе оқуды аяқтағаннан кейін, сондай-ақ сынақ мерзімінде бағалау өткізілмейді.

Бағалауды өткізу кезінде "Б" корпусы қызметшілері еңбек демалысында, жалақы сақталмайтын демалысында, уақытша еңбекке жарамсыздығы кезеңінде, іссапарда немесе тағылымдамада болғанда, сондай-ақ қайта даярлауға, біліктілігін арттыруға жіберілгенде жұмысына қайта кіріскеннен кейін 5 жұмыс күні ішінде бағалаудан өтеді.

5. Бағалауды өткізу үшін "Б" корпусы қызметшісін мемлекеттік лауазымға тағайындауға және мемлекеттік лауазымнан босатуға құқығы бар лауазымды тұлғамен (бұдан әрі - уәкілетті тұлға) персоналды басқару қызметі жұмыс органы болып табылатын Бағалау жөніндегі комиссия (бұдан әрі - Комиссия) құрылады.

Комиссия құрамы уәкілетті тұлғамен анықталады. Комиссия мүшелерінің саны 5 адамнан кем болмауы тиіс.

6. Бағалау екі жеке бағыт бойынша жүргізіледі:

1) НМИ жетістіктерін бағалау;

2) "Б" корпусы қызметшілерінің құзыреттерін бағалау.

7. НМИ орындалуын бағалау нәтижелері бонустар төлеу, көтермелеу, ротациялау, мемлекеттік лауазымдардан төмендету немесе босату үшін шешім қабылдауға негіз болып табылады.

Құзыреттерді бағалау нәтижелері "Б" корпусы қызметшісінің қажетті құзыреттерін дамыту үшін шешім қабылдауға негіз болып табылады. Бұл ретте, құзыреттерді бағалау нәтижелері бонустар төлеуге, көтермелеуге, ротациялауға, мемлекеттік лауазымдардан төмендетуге немесе босатуға әсер етпейді.

8. Бағалауға байланысты құжаттар персоналды басқару қызметінде бағалау аяқталған күннен кейін үш жыл бойы сақталады.

2. НМИ анықтау тәртібі

9. Бағалау кезеңі басталғаннан кейін 10 (он) жұмыс күні ішінде "Б" корпусы қызметшінің НМИ тікелей басшысымен жеке жұмыс жоспарында осы Әдістеменің 1-қосымшасына сәйкес нысанда анықталады.

10. Жеке жұмыс жоспары тиісті НМИ әзірленген соң, ол бекіту үшін жоғары тұрған басшының қарауына енгізіледі.

11. Егер "Б" корпусы қызметшісінің тікелей басшысы мемлекеттік органның (жергілікті атқарушы органның) бірінші басшысы болған жағдайда, жеке жұмыс жоспары осы лауазымды тұлғамен бекітіледі.

12. НМИ осы Әдістеменің 13-тармағында көрсетілген талаптарға сәйкес келмеген жағдайда жоғары тұрған басшы жеке жұмыс жоспарын түзетуге қайтарады.

Жеке жұмыс жоспарын жоғары тұрған басшының қарауына қайта енгізу, түзетуге жолданған күннен бастап 2 (екі) жұмыс күнінен кешіктірілмей жүзеге асырылады.

13. НМИ:

1)нақты (күтілетін оң өзгерістер көрсетіле отырып қол жеткізуге тиісті нәтиже анық белгіленеді);

2)өлшемді (НМИ жетістігін өлшеу үшін нақты критерийлер белгіленеді);

3)қолжетімді (НМИ қолда бар ресурстарды, құзыреттер мен шектеулерді ескере отырып белгіленеді);

4)уақытпен шектеулі (НМИ қол жеткізу мерзімі бағалау кезеңі ішінде белгіленеді);

5)мемлекеттік органның стратегиялық мақсатын, саяси қызметшінің меморандумын немесе "А" корпусы қызметшісінің келісімін іске асыруға бағытталған болып табылады.

14. НМИ саны 5 құрайды.

15. Жеке жұмыс жоспары персоналды басқару қызметінде сақталады.

3. НМИ жетістігін бағалау тәртібі

16. Жеке жұмыс жоспарында көрсетілген НМИ жетістігіне бақылау жүргізу мақсатында тікелей басшымен НМИ-да белгіленген жетістіктерге тоқсан сайын мониторинг жүргізіледі.

Тоқсан сайынғы мониторинг қорытындысы бойынша тікелей басшы бағалауға жататын "Б" корпусы қызметшісіне НМИ-ге жету және сол үшін қажетті одан арғы шаралар бойынша жазбаша ұсынымдар береді.

17. Бағалауды өткізу үшін "Б" корпусы қызметшісінің тікелей басшысы осы Әдістеменің 2-қосымшасына сәйкес нысанда НМИ бойынша бағалау парағын толтырады және оған қол қояды.

18. Жеке жұмыс жоспарының жүзеге асырылуын бағалау жеке жұмыс жоспары құрылған жыл қорытындысы бойынша НМИ бағалау негізінде келесі тәртіпте жүзеге асырылады:

НМИ барлығына қол жеткізген жағдайда "өте жақсы" баға қойылады;

НМИ санының 5-нен 4-не қол жеткізген жағдайда "тиімді" баға қойылады;

НМИ санының 5-нен 3-не қол жеткізген жағдайда "қанағаттанарлық" баға қойылады;

НМИ санының 5-нен 3-тен азына қол жеткізген жағдайда "қанағаттанарлықсыз" баға қойылады;

НМИ қол жеткізу жеке жоспарда көзделген көрсеткіштердің толық орындалуын көздейді.

19. Бағалау парағы тікелей басшымен толтырылғаннан кейін, ол жоғары тұрған басшының қарауына енгізіледі.

20. Егерде мемлекеттік органның бірінші басшысы "Б" корпусы қызметшісінің тікелей басшысы болған жағдайда бағалау парағы оның қарауына енгізіледі.

21. "Б" корпусы қызметшісінің бағалау парағын қарау қорытындысы бойынша жоғары тұрған басшымен келесі шешімдердің бірі қабылданады:

1) бағалаумен келісу;

2) түзетуге жіберу.

22. Бағалау парағы НМИ қол жеткізуін дәлелдейтін фактілердің жеткіліксіздігі немесе дәйексіздігі болған жағдайда түзетуге жолданады.

23. Бағалау парағын жоғары тұрған басшының қарауына қайта енгізу, оны түзетуге жолдағаннан кейін 2 (екі) жұмыс күнінен кешіктірілмей жүзеге асырылады.

24. Жоғары тұрған басшымен бағалау парағына қол қойылғаннан кейін персоналды басқару қызметі 2 (екі) жұмыс күнінен кешіктірмей оны Комиссияның қарауына ұсынады.

4. Құзыреттерді бағалау тәртібі

25. Құзыреттерді бағалау тікелей басшымен жүргізіледі, оның қорытындысы бойынша осы Әдістеменің 3-қосымшасына сәйкес нысан бойынша бағалау парағы толтырылады.

26. Бағалау парағын толтыру кезінде әр құзырет бойынша "Б" корпусы мемлекеттік лауазымдар санаттары үшін осы Әдістеменің 4-қосымшасына сәйкес көзделген мінез-құлық индикаторларының жиынтығын басшылыққа алу қажет. Бір құзырет бойынша мінез-құлық индикаторларының саны 10 (он) аспайды.

27. Қызметші құзыретінің даму деңгейі бағалау кезеңінде оның қызметінде көрінген мінез-құлық индикаторларының санымен келесі тәртіпте анықталады:

1) қызметшінің қызметінде белгілі бір құзыретпен көзделген мінез-құлық индикаторларының 3/4 немесе одан көбі байқалған жағдайда "күтілген нәтижеге сәйкес" бағасы қойылады.

2) қызметшінің қызметі нақты құзыретпен көзделген мінез-құлық индикаторларының 3/4-нен кеміне сәйкес келмесе, осы нақты құзырет бойынша "күтілген нәтижеге сәйкес емес" бағасы қойылады.

28. Тікелей басшымен бағалау парағына қол қойылғаннан кейін персоналды басқару қызметі 2 (екі) жұмыс күнінен кешіктірмей оны Комиссияның қарауына ұсынады.

5. Бағалау нәтижелерін Комиссиямен қарау және бағалау нәтижесіне шағымдану

29. Персоналды басқару қызметі Комиссия төрағасының келісімімен бағалауды өткізу кестесін қалыптастырады және бағалауды жүргізетін тұлғаларға оның өтетіні туралы жеті жұмыс күн бұрын хабарлауды қамтамасыз етеді.

30. Комиссияның отырысы егер оған оның құрамының кемінде үштен екісі қатысқан жағдайда өкілетті болып есептеледі.

31. Комиссияның төрағасын не жоқ мүшесін алмастыру уәкілетті тұлғаның шешімі бойынша комиссияны құру туралы бұйрыққа өзгерістер енгізу арқылы жүзеге асырылады.

32. Комиссияның шешімі ашық дауыс беру арқылы қабылданады.

33. Дауыс беру нәтижелері Комиссия мүшелерінің көпшілік дауысымен айқындалады. Дауыс саны тең болған жағдайда, Комиссия төрағасының дауысы шешуші болып табылады.

34. Комиссияның хатшысы персоналды басқару қызметінің қызметшісі болып табылады. Комиссияның хатшысы дауыс беруге қатыспайды.

35. Персоналды басқару қызметі Комиссия төрағасымен келісілген мерзімдерге сәйкес Комиссия отырысының өткізілуін қамтамасыз етеді.

36. Персоналды басқару қызметі Комиссияның отырысына келесі құжаттарды ұсынады:

1) толтырылған бағалау парақтарын;

2) осы Әдістеменің 5-қосымшасына сәйкес нысан бойынша Комиссия отырысы хаттамасының жобасын.

37. Комиссия бағалау нәтижелерін қарайды да келесі шешімдердің біреуін қабылдайды:

1) бағалау нәтижелерін бекіту;

2) бағалау нәтижелерін қайта қарау.

38. Бағалау нәтижелерін қайта қарау туралы шешім қабылданған жағдайда Комиссия бағалау нәтижесін түзетеді және хаттаманың "Бағалау нәтижелері комиссиямен түзетілуі (бар болған жағдайда)" графасында көрсетіледі.

39. Бағалаудың нәтижелері уәкілетті тұлғамен бекітіледі және осы Әдістеменің 5-қосымшасына сәйкес нысан бойынша тиісті хаттамасында тіркеледі.

40. Персоналды басқару қызметі "Б" корпусының қызметшісін бағалау нәтижелерімен ол аяқталған күнінен бастап екі жұмыс күні ішінде таныстырады.

41. "Б" корпусының қызметшісін бағалау нәтижелерімен таныстыру жазбаша түрде жүргізіледі. Қызметші танысудан бас тартқан жағдайда, еркін түрде персоналды басқару қызметімен және мемлекеттік органның басқа екі қызметшісімен қол қойылған акт толтырылады.

42. "Б" корпусы қызметшісінің танысудан бас тартуы бағалау нәтижелерін оның қызметтік тізіміне енгізуге кедергі болмайды. Бұл жағдайда персоналды басқару қызметімен "Б" корпусы қызметшісінің бағалау нәтижесі мемлекеттік органдардың интранет-порталы арқылы жолданады.

43. "Б" корпусы қызметшісінің Комиссия шешіміне шағымдануы мемлекеттік қызмет істері жөніндегі уәкілетті органда немесе оның аумақтық департаментінде шешім шыққан күннен бастап он жұмыс күні ішінде жүзеге асырылады. Шағымдарды қарау қорытындысы бойынша мемлекеттік қызмет істері жөніндегі уәкілетті орган келесі шешімдердің біреуін қабылдайды:

1) мемлекеттік органға Комиссия шешімін жойып, "Б" корпусы қызметшісінің бағалау нәтижесін қайта қарау бойынша ұсыныс береді;

2) "Б" корпусының қызметшісінің бағалау нәтижесін қайта қараусыз қалдыру.

44. "Б" корпусы қызметшісі бағалау нәтижелеріне сот тәртібінде шағымдануға құқылы.



	"Маңғыстау облысы әкімінің аппараты" мемлекеттік мекемесінің, облыстық бюджеттен қаржыландырылатын облыстық атқарушы органдарының "Б" корпусы мемлекеттік әкімшілік қызметшілерінің қызметін бағалаудың әдістемесіне 1-қосымша Нысан "БЕКІТЕМІН" Жоғары тұрған басшы ___________________________________ (тегі, аты-жөнінің бірінші әріптері) күні __________________________ қолы _________________________

"Б" корпусы мемлекеттік әкімшілік қызметшісінің жеке жұмыс жоспары

	__________________________________ жыл
	(жеке жоспар құрастырылатын кезең)

Қызметшінің (тегі, аты, әкесінің аты (болған жағдайда)) _______________________________

Қызметшінің лауазымы: _________________________________________________________

Қызметшінің құрылымдық бөлімшесінің атауы:_____________________________________

_________________________________________________________________________

№ р/с	НМИ атауы	Саяси мемлекеттік қызметшінің немесе "А" корпусы қызметішісі келісімінің қай көрсеткішінен немесе мемлекеттік жоспарлау жүйесінің құжатынан түйінделеді	Өлшем бірлігі	Жоспарлы мәні	Қол жеткізу мерзімдері	Түйінді нәтиже*

* Нысаналы мақсатты индикатор қол жеткізуден күтілетін оң өзгерістер

Қызметші
___________________________
(тегі, аты-жөнінің бірінші әріптері)
күні _______________________
қолы ____________________

Тікелей басшы
___________________________
(тегі, аты-жөнінің бірінші әріптері)
күні _______________________
қолы ____________________



	"Маңғыстау облысы әкімінің аппараты" мемлекеттік мекемесінің, облыстық бюджеттен қаржыландырылатын облыстық атқарушы органдарының "Б" корпусы мемлекеттік әкімшілік қызметшілерінің қызметін бағалаудың әдістемесіне 2-қосымша Нысан "БЕКІТЕМІН" Жоғары тұрған басшы ________________________________ (тегі, аты-жөнінің бірінші әріптері) күні ____________________________ қолы _________________________

НМИ бойынша бағалау парағы

____________________________________________________ (Т.А.Ә.,бағаланатын тұлғаның лауазымы)

____________________________________ (бағаланатын кезең)

№ р/с	НМИ атауы	Өлшем бірлігі	Жоспарлы мәні	Нақты мәні	Көрсеткішке қол жетті/көрсеткішке қол жетпеді

Бағалау нәтижесі __________________________________________________ (қанағаттанарлықсыз, қанағаттанарлық, тиімді, өте жақсы)

Қызметші
___________________________
(тегі, аты-жөні)
күні _______________________
қолы ____________________

Тікелей басшы
___________________________
(тегі, аты-жөні)
күні _______________________
қолы ____________________

"Маңғыстау облысы әкімінің аппараты" мемлекеттік мекемесінің, облыстық бюджеттен қаржыландырылатын облыстық атқарушы органдарының "Б" корпусы мемлекеттік әкімшілік қызметшілерінің қызметін бағалаудың әдістемесіне 3-қосымша
Нысан

Құзыреттер бойынша бағалау парағы

	_________________жыл
	(бағаланатын жыл)

Бағаланатын қызметшінің (тегі, аты, әкесінің аты (болған жағдайда) _________________________________________________________

Бағаланатын қызметшінің лауазымы: __________________________________

Бағаланатын қызметшінің құрылымдық бөлімшесінің атауы:

__________________________________________________________________

№ р/с	Құзыреттер атауы	Бағалау нәтижелері (күтілетін нәтижеге сәйкес/күтілетін нәтижеге сәйкес емес)	Қызметшіде байқамаған мінез-құлық индикатор атауы ("күтілетін нәтижеге сәйкес емес" бағасын алған жағдайда)
1	Қызметті басқару
2	Ынтымақтастық
3	Шешім қабылдау
4	Жеделділік
5	Өздігінен даму
6	Қызметті тұтынушыға бағдарлану *
7	Қызметті тұтынушыларды хабарландыру *
8	Адалдық
9	Жауапкершілік
10	Бастамашылдық
11	Стресске орнықтылық

*Лауазымдық міндеттеріне мемлекеттік қызмет көрсету мәселелері жатпайтын "Б" корпусының мемлекеттік қызметшілері "Қызметті тұтынушыға бағдарлану" және "Қызметті тұтынушыларды хабарландыру" құзыреттері бойынша бағаланбайды.

Қызметші
___________________________
(тегі, аты-жөні)
күні _______________________
қолы ____________________

Тікелей басшы
___________________________
(тегі, аты-жөні)
күні _______________________
қолы ____________________

Құзыреттердің мінез-құлық индикаторлары

Құзыреттер атауы	Мемлекеттік әкімшілік лауазымдар санаты	Тиімді мінез-құлық индикаторлары	Тиімсіз мінез-құлық индикаторлары
қызметтік басқару	D-О-1.	стратегиялық мақсаттарға сәйкес нақты міндеттер қояды және тапсырмалар береді; бөлімшенің берілген міндеттерді сапалы және уақтылы орындауына ұжымды бағыттайды және жағдай жасайды; бөлімше жұмысын басымдылығына қарай тиімді ұйымдастырады.	стратегиялық мақсаттарға сәйкес нақты міндеттер қоя алмайды және тапсырмалар бере алмайды; берілген міндеттерді сапалы және уақтылы орындауына ұжымды бағыттамайды және қажетті жағдай жасамайды; бөлімше жұмысын басымдылығына мән бермей тиімсіз ұйымдастырады.
	D-2; D-3 (құрылымдық бөлімшенің басшысы); D-О-2; D-О-3.	бөлімшенің қызметін жоспарлау мен қамтамасыз етуге қажетті ақпараттарды жинақтап, талдайды және басшылыққа енгізеді; сеніп тапсырылған ұжымның жұмысын жоспарлайды және ұйымдастырады, олардың жоспарланған нәтижелерге қол жеткізуіне ықпал етеді; қызметкерлердің қойылған міндеттердің орындалуы барысындағы қызметіне бақылау жүргізеді; бөлімше жұмысының нәтижелелілігін және сапасын қамтамасыз етеді.	бөлімшенің қызметін жоспарлау мен қамтамасыз етуге қажетті ақпараттарды жинақтап, талдамайды және басшылыққа енгізбейді; сеніп тапсырылған ұжымның жұмысын жоспарламайды және ұйымдастырмайды, олардың жоспарланған нәтижелерге қол жеткізуіне ықпал етпейді; қызметкерлердің қойылған міндеттердің орындалуына бақылау жүргізбейді; бөлімше жұмысының нәтижелелілігін және сапасын қамтамасыз етпейді.
	D-3; * D-4; D-5; D-О-4; D-О-5; D-О-6. * осы бағанның жоғары тұрған қатарында көрсетілген тұлғалардан басқа	басымдылығына қарай тапсырмаларды маңыздылығы ретімен қояды; басшылыққа сапалы құжаттар дайындайды және енгізеді.; өлшеулі уақыт жағдайында жұмыс жасай алады; белгіленген мерзімдерді сақтайды.	тапсырмаларды жүйесіз орындайды; сапасыз құжаттар әзірлейді; жедел жұмыс жасамайды; мерзімдерін бұзуға жол береді.
ЫНТЫМАҚТАСТЫҚ	D-О-1.	өз құзыреті шегінде қызметкерлерді мемлекеттік органдармен және ұйымдармен тиімді өзара қарым-қатынасқа бағдарлайды ; қойылған міндеттерге қол жеткізу үшін әрбір қызметкердің әлеуетін пайдаланады; басқа бөлімшелермен бірлесіп жоспарды жүзеге асырады және ортақ нәтижеге қол жеткізеді.	өз құзыреті шегінде қызметкерлерді мемлекеттік органдармен және ұйымдармен тиімді өзара қарым-қатынасқа бағдарламайды ; қойылған міндеттерге қол жеткізу үшін кейбір қызметкерлердің әлеуетін пайдаланады; басқа бөлімшелермен бірлесіп жоспарды жүзеге асыра алмайды және ортақ нәтижеге қол жеткізбейді.
	D-2; D-3 (құрылымдық бөлімшенің басшысы); D-О-2; D-О-3.	ұжымда сенімді қарым-қатынас орнатады; бөлімшенің қоғаммен тиімді жұмысын ұйымдастыру бойынша ұсыныс енгізеді; бірлесіп жұмыс атқару үшін әріптестерімен тәжірибесімен және білімімен бөліседі; әрқайсысының нәтижеге жетуге қосқан үлесін анықтайды.	ұжымда өзара сенімсіз қарым-қатынас орнатады; бөлімше және қоғаммен тиімді жұмыс ұйымдастыру бойынша ұсыныс жасамайды; бірлесіп жұмыс атқару үшін әріптестерімен тәжірибесімен және білімімен бөліспейді; бағыныстағы тұлғалардың нәтижеге жетуге қосқан үлесін анықтамайды.
	D-3; * D-4; D-5; D-О-4; D-О-5; D-О-6. * осы бағанның жоғары тұрған қатарында көрсетілген тұлғалардан басқа	ұжымның жұмысына үлесін қосады және қажет болған жағдайда түсіндірме үшін аса тәжірибелі әріптестеріне жүгінеді; мемлекеттік органдар мен ұжымдардың өкілдерімен және әріптестерімен өзара қарым-қатынасты дамытады; пікір алмасады және талқылау нәтижесін ескере отырып, тапсырмаларды орындайды.	жұмыста тұйықтық ұстанымын білдіреді және түсіндірме үшін аса тәжірибелі әріптестеріне жүгінбейді; әртүрлі мемлекеттік органдар мен ұйымдардың өкілдерімен және әріптестерімен өзара қарым-қатынас жасамайды; әріптестерімен міндеттерді талқыламайды.
ШЕШІМ ҚАБЫЛДАУ	D-О-1.	міндеттерді дұрыс бөле алады; шешім қабылдау барысында мүмкін болатын қауіптер туралы хабарлайды; шешім қабылдау барысында баламалы ұсыныс жасайды; дәйекті және тиімді шешім қабылдайды; жеке тәжірибесіне, осыған басқа да маңызды болып табылатын мәліметтерге негізделген шешім қабылдайды	бөлімшеде міндеттерді дұрыс бөле алмайды; орын алуы мүмкін қауіптер туралы хабарламайды; шешім қабылдау барысында баламалы ұсыныс жасамайды; дәйексіз және тиімсіз шешім қабылдайды; шешім қабылдау барысында тек өзінің жеке тәжірибесіне және пікіріне сүйенеді.
	D-2; D-3 (Құрылымдық бөлімшенің басшысы); D-О-2; D-О-3	бөлімше қызметін ұйымдастыруда тапсырмаларды дұрыс бөле алады; шешім қабылдауда қажетті ақпараттарды жинауды ұйымдастырады; шешім қабылдаудағы тәсілдерді ұжыммен талқылайды; әртүрлі дереккөздерден алынған мағлұматтарды ескере отырып, мүмкін болатын қауіптерді талдайды және болжамдайды; мүмкін болатын қауіптер мен салдарларды ескере отырып, құзыреті шегінде шешім қабылдайды.	бөлімше қызметін ұйымдастыруда тапсырмаларды дұрыс бөле алмайды; шешім қабылдауда қажетті ақпараттарды іздеумен айналысады; шешім қабылдаудағы тәсілдерді ұжыммен талқылаудан бас тартады және басқалардың пікірін ескермейді; әртүрлі дереккөздерден алынған мағлұматтарды ескермейді, мүмкін болатын қауіптерді талдамайды және болжамайды; шешім қабылдау барысында мүмкін болатын қауіптер мен салдарларды ескермейді.
	D-3; * D-4; D-5; D-О-4; D-О-5; D-О-6. * осы бағанның жоғары тұрған қатарында көрсетілген тұлғалардан басқа	қажетті ақпаратты таба алады; мүмкін болатын қауіптерді ескере отырып, мәселелерді шешудің бірнеше жолын ұсынады; өзінің пікірін негіздей алады.	қажетті ақпаратты таба алмайды; мүмкін болатын қауіптерді ескермейді немесе міндеттерді шешудің баламалы нұсқасын ұсынбайды; негізсіз пікір білдіреді.
ҚЫЗМЕТТІ ТҰТЫНУШЫҒА БАҒДАРЛАНУ	D-О-1.	стратегиялық мақсаттар мен басымдылықтарды ескеріп, нақты міндеттер қоя алады; қызмет көрсетудің тиімді құралдарын біледі; көрсетілетін қызметтердің қолжетімділілігін қамтамасыз етеді; қызмет тұтынушылардың қанағаттанушылығына мониторинг жүргізеді және қызмет көрсетуді жетілдірудің шараларын әзірлейді.	стратегиялық мақсаттар мен басымдылықтарды ескермей, анық емес міндеттер қояды; қызмет көрсетудің құралдары туралы шала-шарпы біледі; көрсетілетін қызметтердің қолжетімділілігін қамтамасыз етпейді; көрсетілетін қызмет бойынша тұтынушылардың қанағаттанушылығына мониторинг жүргізбейді және қызмет көрсетуді жетілдірудің шараларын әзірлемейді.
	D-2; D-3 (Құрылымдық бөлімшенің басшысы); D-О-2; D-О-3.	сапалы қызмет көрсету жөніндегі жұмыстарды ұйымдастырады және туындаған мәселелерді шешеді; кері байланысты қамтамасыз ету мақсатында қанағаттанушылық дейгейін анықтауға жағдай жасайды; қызмет көрсетудің сапасын бақылайды, сондай-ақ жеке үлгі болу арқылы көрсетеді.	сапалы қызмет көрсету жөніндегі жұмыстарды ұйымдастырмайды және туындаған мәселелерді шешпейді; кері байланысты қамтамасыз ету мақсатында қанағаттанушылық дейгейін анықтауға жағдай жасамайды; сапасыз қызмет көрсетуге жол береді, қызықпаушылық білдіреді.
	D-3; * D-4; D-5; D-О-4; D-О-5; D-О-6. * осы бағанның жоғары тұрған қатарында көрсетілген тұлғалардан басқа	сыпайы және тілектестікпен қызмет көрсетеді; кызмет көрсетуге қанағаттанушылық деңгейін талдайды және оларды жетілдірудің жөнінде ұсыныстар енгізеді; қызмет көрсету сапасын жақсарту бойынша ұсыныс енгізеді.	қызмет алушыға дөрекілік және немқұрайлылық білдіреді; тұтынушының проблемасы мен мәселелеріне мән бермейді; қызмет көрсету сапасын жақсарту бойынша бастамашылық танытпайды.
ҚЫЗМЕТТІ ТҰТЫНУШЫҒА АҚПАРАТТАНДЫРУ	D-О-1.	ұжымға қызмет алушы тұтынушылар арасында көрсетілетін қызметтер туралы хабарлау қажеттілігі туралы үнемі түсіндіреді; көрсетілетін қызметтер туралы хабарлаудың тиімді жүйесін құрады.	ұжымға қызмет алушы тұтынушыларға көрсетілетін қызметтер туралы хабарлау қажеттілігі туралы түсіндірмейді; тұтынушыларға көрсетілетін қызметтер туралы хабарлаудың тиімсіз жүйесін құрады.
	D-2; D-3 (құрылымдық бөлімшенің басшысы); D-О-2; D-О-3.	бағыныстағыларды қызмет алушыларға қолжетімді хабарлауға бағдарлайды; тұтынушыға ақпараттарды құрметпен және ізгілікпен жеткізеді; қызмет тұтынушыларының пікірін құрметтейді.	бағыныстағылармен қызмет алушыларға хабарлау бойынша жұмыс жүргізбейді; тұтынушыға ақпараты жеткізбейді немесе оны немқұрайлы және жақтырмай жеткізеді; қызмет тұтынушыларының пікірін елемейді.
	D-3; * D-4; D-5; D-О-4; D-О-5; D-О-6. * осы бағанның жоғары тұрған қатарында көрсетілген тұлғалардан басқа	қызмет алушыларды ақпараттандырудың тиімді тәсілдерін қолданады; тұтынушыға ақпаратты қолжетімді ауызша және жазбаша түрде жеткізеді; көрсетілетін қызметтер туралы ақпаратты уақтылы қабылдай және жібере алады.	қызмет алушыларға хабарлаудың тиімсіз тәсілдерін қолданады; тұтынушыға ақпаратты ауызша және жазбаша түрде жеткізбейді немесе түсініксіз жеткізеді; көрсетілетін қызметтер туралы ақпаратты уақтылы қабылдай және жібере алмайды.
ЖЕДЕЛДІЛІК	D-О-1.	ұжымға жаңа басымдықтарды уақытылы жеткізеді; өзгерістерге уақтылы ден қою үшін тиімді шаралар әзірлейді; бөлімшені тиімді басқарады және ішкі және сыртқы өзгерістер кезінде нәтижеге қол жеткізеді; жұмыстың жаңа тәсілдерін қолдану бойынша ұсыныстарын талдайды және басшылыққа енгізеді.	ұжымға жаңа басымдықтарды жеткізбейді немесе мерзімнен кеш жеткізеді; өзгерістерге уақтылы ден қою үшін шаралар әзірлемейді немесе тиімсіз шаралар әзірлейді ; бөлімшені тиімсіз басқарады және ішкі және сыртқы өзгерістер кезінде нәтижеге қол жеткізбейді; жұмыстың жаңа тәсілдерін қолдану бойынша ұсыныстарын талдамайды және басшылыққа енгізбейді.
	D-2; D-3 (Құрылымдық бөлімшенің басшысы); D-О-2; D-О-3.	жұмыста жаңа тәсілдерін пайдалану жөніндегі ұсыныстарды қарайды және басшылыққа енгізеді; болып жатқан өзгерістерге талдау жасайды және жұмысты жақсарту бойынша уақтылы шаралар қабылдайды; өзгерістерді дұрыс қабылдауды өзінің үлгі-өнегесімен көрсетеді.	жұмыста жаңа тәсілдерді пайдалану жөніндегі ұсыныстарды қарамайды және басшылыққа енгізбейді; болып жатқан өзгерістерге талдау жасамайды және жұмысты жақсарту бойынша шаралар қабылдамайды; болып жатқан және күтілмеген өзгерістер кезінде өзін-өзі бақыламайды.
	D-3; * D-4; D-5; D-О-4; D-О-5; D-О-6. * осы бағанның жоғары тұрған қатарында көрсетілген тұлғалардан басқа	жұмысты жақсарту жөнінде ұсыныстар енгізеді; жаңа тәсілдер мен оны енгізудің амалдарын зерделейді; өзгеріс жағдайларында өзін -өзі бақылайды; өзгеріс жағдайларында тез бейімделеді.	жұмыстың қолданыстағы рәсімдері мен әдістерін ұстанады; жаңа тәсілдерді енгізу амалдарын зерделемейді; өзгеріс жағдайларында өзін-өзі бақылай алмайды; өзгеріс жағдайларында бейімделмейді немесе баяу бейімделеді.
ӨЗДІГІНЕН ДАМУ	D-О-1.	перспективалы қызметкерлерді анықтайды және ілгерілету жөнінде ұсыныстарды енгізеді. қызметкерлерді дамыту бойынша жүйелі шараларды қабылдайды; әріптестерімен жинақталған тәжірибесімен, білімімен бөліседі, сондай-ақ, олардың даму деңгейін анықтайды; өздігінен дамуға ұмтылысын өзінің жеке үлгісінде көрсетеді.	перспективалы қызметкерлерді анықтамайды және оларды жоғарылату туралы ұсыныстарға бастамашылық жасамайды; қызметкерлерді дамыту бойынша жүйелі шараларды қабылдамайды немесе жүйесіз шараларды қабылдайды; әріптестерімен жинақталған тәжірибесімен, білімімен бөліспейді, сондай-ақ, олардың даму деңгейіне бей-жай қарайды; өздігінен дамуға ұмтылысын өзінің жеке үлгісінде көрсетуге көңіл бөлмейді.
	D-2; D-3 (Құрылымдық бөлімшенің басшысы); D-О-2; D-О-3.	бағыныстылардың құзыреттер деңгейін жоғарылату бойынша іс-шаралар ұсынады; нәтижеге жету мақсатында өзінің құзыреттерін дамытады және оларды бағыныстыларда дамыту үшін шаралар қабылдайды; бағыныстылармен олардың құзыреттерін, оның ішінде дамуды қажет ететін құзыреттерді талқылайды.	бағыныстылардың құзыреттер деңгейінің жоғарылауына қызығушылық танытпайды; нәтижеге жету үшін өзі дамымайды және бағыныстыларды құзыреттерін дамытуға бағдарламайды; бағыныстылармен олардың құзыреттерін талқыламайды.
	D-3; * D-4; D-5; D-О-4; D-О-5; D-О-6. * осы бағанның жоғары тұрған қатарында көрсетілген тұлғалардан басқа	жаңа білімдер мен технологияларға қызығушылық танытады; өзіндігінен дамуға ұмтылады, жаңа ақпараттар мен оны қолданудың әдістерін ізденеді; тәжірибеде тиімділікті арттыратын жаңа дағдыларды қолданады.	Жаңа білімдер мен технологияларға қызығушылық танытпайды; өзіндігінен дамуға ұмтылмайды, жаңа ақпараттар мен оны қолдану әдістерімен қызықпайды; өзінде бар дағдылармен шектеледі.
АДАЛДЫҚ	D-О-1.	жұмыскерлермен әдептілік нормалары мен стандарттарының сақталуын қамтамасыз етеді; ұжымда мемлекеттік қызметтің әдептілік нормалары мен стандарттарына берілгендік сезімін дамытады; басқалардың жетістіктерін мойындайды, әріптестерінің намысы мен абыройына нұқсан келтіретін олардың жеке және кәсіби қасиеттерін талқылаудан тартынады; әдептілік нормалардың бұзылғандығын анықтайды және ден қояды; риясыздық, әділдік, адал ниеттілік, сондай-ақ, жеке тұлғаның намысы мен абыройына құрмет таныта отырып, бағыныстылары үшін әдепті мінез-құлықтың үлгісі болады. өзінің бөлімше жұмысының тәжірибесінде ашықтық, шынайылық және әділдікке бағытталған әдеп нормалары мен құндылықтарды ықпалдастырады.	жұмыскерлермен әдептілік нормалары мен стандарттарының сақталуын қамтамасыз етпейді; мемлекеттік қызмет жолын ұстаушылық әркімнің жеке ісі деп есептейді; басқалардың жетістіктерін мойындамайды, әріптестерінің намысы мен абыройына нұқсан келтіретін олардың жеке және кәсіби қасиеттерін талқылауға жол береді; әдептілік нормалардың бұзылғандығы үшін шаралар алмайды;өзін әдепсіз ұстайды, субъективизм, пайдакүнемдігін көрсетіп жеке тұлғаның намысы мен абыройын құрметтемейді; өзінің бөлімше жұмысының тәжірибесінде этика нормалары мен құндылықтарын енгізбейді және ашықтық, шынайылық және әділдікті қамтамасыз етпейді.
	D-2; D-3 (Құрылымдық бөлімшенің басшысы); D-О-2; D-О-3.	белгіленген стандарттар мен нормалардың, шектеулер мен тыйымдардың сақталуын бақылайды; ұжымның мүддесін өз мүддесінен жоғары қояды; жұмыста табандылық танытады; ұжымдағы сыйластық пен сенім ахуалын қалыптастырады; бағыныстылардың іс-әрекетінде шынайылық және әділеттілік принциптерін сақтауды қамтамасыз етеді; риясыздық, әділдік, адал ниеттілік, сондай-ақ, жеке тұлғаның намысы мен абыройына құрмет таныта отырып, бағыныстылары үшін әдепті мінез-құлықтың үлгісі болады.	ұжымда белгіленген стандарттар мен нормалардың, шектеулер мен тыйымдардың орын алуына жол береді; өз мүддесін ұжым мүддесінен жоғары қояды; жұмыста табандылық танытпайды; ұжымдағы сыйластық пен сенім ахуалын қалыптастырмайды; бағыныстылардың іс-әрекетінде шынайылық және әділеттілік принциптерін сақтауды қамтамасыз етпейді.
	D-3; * D-4; D-5; D-О-4; D-О-5; D-О-6. * осы бағанның жоғары тұрған қатарында көрсетілген тұлғалардан басқа	белгіленген әдептілік нормалары мен стандарттарына сүйенеді; өзінің жұмысын адал орындайды; өзін адал, қарапайым, әділ ұстайды, басқаларға сыпайылық және биязылық танытады.	белгіленген әдептілік нормалары мен стандарттарына қайшы келетін мінез-құлықтар танытады; өзінің жұмысын орындау барысында салақтылық танытады; өзін басқаларға дөрекі және менсінбеу, теріс пиғылдан туындайтын арам ниетте ұстайды.
СТРЕССКЕ ОРНЫҚТЫЛЫҚ	D-О-1.	сынға сабырлықпен қарайды және негізді болған жағдайда, кемшіліктерді жою жөнінде шаралар қабылдайды.	сынға сабырсыз қарайды және негізді болған жағдайда, кемшіліктерді жою жөнінде шаралар қабылдамайды.
	D-2; D-3 (Құрылымдық бөлімшенің басшысы); D-О-2; D-О-3.	сынға сабырлықпен қарайды және негізді болған жағдайда, кемшіліктерді жою жөнінде шаралар қабылдайды.	сынға сабырсыз қарайды және негізді болған жағдайда, кемшіліктерді жою жөнінде шаралар қабылдамайды.
	D-3; * D-4; D-5; D-О-4; D-О-5; D-О-6. * осы бағанның жоғары тұрған қатарында көрсетілген тұлғалардан басқа	сынға сабырлықпен қарайды және негізді болған жағдайда, кемшіліктерді жою жөнінде шаралар қабылдайды.	сынға сабырсыз қарайды және негізді болған жағдайда, кемшіліктерді жою жөнінде шаралар қабылдамайды.
ЖАУАПКЕРШІЛІК	D-О-1.	құрылымдық бөлімшенің қызметін ұйымдастыруды жеке жауапкершілігіне алады.	құрылымдық бөлімшенің қызметін ұйымдастыру жауапкершілігін басқа лауазымды тұлғаға артады.
	D-3 (Құрылымдық бөлімшенің басшысы); D-О-2; D-О-3.	құрылымдық бөлімше қызметін ұйымдастыруды жеке жауапкершілігіне алады.	құрылымдық бөлімшенің қызметін ұйымдастыру жауапкершілігін басқа лауазымды тұлғаға артады.
	D-3; * D-4; D-5; D-О-4; D-О-5; D-О-6. * осы бағанның жоғары тұрған қатарында көрсетілген тұлғалардан басқа	өз ісі мен нәтижелері үшін жауаптылықта болады.	өз ісі мен нәтижелері үшін жауаптылықты басқа тұлғаға артады.
БАСТАМАШЫЛДЫҚ	D-О-1.	қызмет тиімділігін жоғарылатуға бағытталған инновациялық тәсілдер мен шешімдер енгізу жөніндегі ұсыныстарды қарайды және әзірлейді.	қызмет тиімділігін жоғарылатуға бағытталған инновациялық тәсілдер мен шешімдер енгізу жөніндегі ұсыныстарды қарамайды және әзірлемейді.
	D-2; D-3 (Құрылымдық бөлімшенің басшысы); D-О-2; D-О-3.	қызмет тиімділігін жоғарылатуға бағытталған инновациялық тәсілдерін және шешімдерін ендіру бойынша ұсыныстарды талдайды және енгізеді.	қызмет тиімділігін жоғарылатуға бағытталған инновациялық тәсілдерін және шешімдерін ендіру бойынша ұсыныстарды талдамайды және енгізбейді.
	D-3; * D-4; D-5; D-О-4; D-О-5; D-О-6. * осы бағанның жоғары тұрған қатарында көрсетілген тұлғалардан басқа	идеялары мен ұсыныстарын әзірлейді және өзінің негізгі міндеттерінен басқа қосымша жұмыстарды орындайды.	идеялар мен ұсыныстарды әзірлемейді және ұсынбайды және өзінің негізгі міндеттерінен басқа қосымша жұмыстарды орындамайды.



	"Маңғыстау облысы әкімінің аппараты" мемлекеттік мекемесінің, облыстық бюджеттен қаржыландырылатын облыстық атқарушы органдарының "Б" корпусы мемлекеттік әкімшілік қызметшілерінің қызметін бағалаудың әдістемесіне 5-қосымша Нысан "БЕКІТЕМІН" Лауазымды тұлға ________________________________ (тегі, аты-жөнінің бірінші әріптері) күні ____________________________ қолы _________________________

Бағалау жөніндегі комиссия отырысының хаттамасы

____________________________________________________________________ (мемлекеттік органның атауы)

____________________________________________________________________ (бағалау мерзімі жыл)

Бағалау нәтижелері

№ р/с	Қызметшілердің тегі, аты, әкесінің аты (болған жағдайда)	Бағалау нәтижелері туралы мәлімет	Бағалау нәтижелері комиссиямен түзетілуі (бар болған жағдайда)	Комиссияның ұсыныстары
1.
2.
...

Комиссия қорытындысы:

____________________________________________________________________

Тексерілді:

Комиссияның хатшысы: ___________________________ Күні: _____________ (тегі, аты-жөні, қолы)

Комиссияның төрағасы: ____________________________ Күні: ____________ (тегі, аты-жөні, қолы)

Комиссияның мүшесі: _____________________________ Күні: _____________ (тегі, аты-жөні, қолы)

Дата публикации

05 марта 2018