«Маңғыстау облысында ортақ су пайдаланудың қағидалары туралы» Маңғыстау облыстық мәслихатының 2015 жылғы 10 желтоқсанындағы № 29/435 шешіміне өзгерістер енгізу туралы

«Маңғыстау облысында ортақ су пайдаланудың қағидалары туралы» Маңғыстау облыстық мәслихатының 2015 жылғы 10 желтоқсанындағы № 29/435 шешіміне өзгерістер енгізу туралы

 

Қазақстан Республикасының 2003 жылғы 9 шілдедегі Су кодексінің      39- бабына және 2001 жылғы 23 қаңтардағы «Қазақстан Республикасындағы жергiлiктi мемлекеттiк басқару және өзiн-өзi басқару туралы» Заңының 6-бабының 2-2-тармағына сәйкес Маңғыстау облыстық мәслихаты                       ШЕШІМ ҚАБЫЛДАДЫ:

1. Маңғыстау облыстық мәслихатының 2015 жылғы 10 желтоқсанындағы № 29/435 «Маңғыстау облысында ортақ су пайдаланудың қағидалары туралы» (нормативтік-құқықтық актілерді мемлекеттік тіркеу Тізілімінде № 2955 болып тіркелген, 2016 жылғы 26 қаңтарда «Әділет» ақпараттық-құқықтық жүйесінде жарияланған) шешіміне келесідей өзгерістер енгізілсін:

көрсетілген шешімнің 6 тармағының 2) тармақшасына орыс тілінде өзгеріс енгізілді, қазақ тілінде мәтін өзгермейді;

көрсетілген шешімнің 8 тармағына орыс тілінде өзгеріс енгізілді, қазақ тілінде мәтін өзгермейді;

көрсетілген шешімнің 11-1 тармағының 1) тармақшасына орыс тілінде өзгеріс енгізілді, қазақ тілінде мәтін өзгермейді;

осы шешімнің қосымшасы келесідей абзацтармен толықтырылсын:

«Қарақия ауданы бойынша:

1) ұзындығы 3000 метр және ені 30 метр құрайтын Жыланды жерінен Кендірлі бағытына қарай жағалау аймақтары;

2) ұзындығы 3000 метр және ені 30 метр құрайтын Тоқмақ жерінен Кендірлі бағытына қарай жағалай аймақтары;

3) ұзындығы 3500 метр және ені 30 метр құрайтын «Абай» жүзбелі маневрлік базасы аумағынан Саржа бағытына қарай жағалау аймақтары.

Мұнайлы ауданы бойынша:

ұзындығы 380 метр және ені 170 метр құрайтын Батыр ауылдық округінен солтүстік-шығыста 7 км қашықтықта орналасқан уран кеніштері мен қалдықтары бар қауіпті көл аймағы».

2. «Маңғыстау облыстық мәслихатының аппараты» мемлекеттік мекемесі (аппарат басшысы Ә.Қ. Дауылбаев) осы шешімнің әділет органдарында мемлекеттік тіркелуін, оның бұқаралық ақпарат құралдарында ресми жариялануын, Маңғыстау облысы әкімдігінің интернет-ресурсында орналастырылуын қамтамасыз етсін.
3. Осы шешімнің орындалуын бақылау Маңғыстау облысы әкімінің орынбасары Н.Қ. Аққұловқа жүктелсін.
4. Осы шешім әділет органдарында мемлекеттік тіркелген күннен бастап күшіне енеді және ол алғашқы ресми жарияланған күнінен кейін күнтізбелік он күн өткен соң қолданысқа енгізіледі.

 

Маңғыстау облысының әкімі                                    Серікбай Трұмов