Маңғыстау облысының цифрлық технологиялар басқармасының цифрландыру және ақпараттандыруды дамыту бөлімі туралы

Маңғыстау облысының цифрлық технологиялар басқармасы басшысының

2024 жылғы «___» _________

№ _____ бұйрығына

2-қосымша

 

 

Цифрландыру және ақпараттандыруды дамыту бөлімінің ережесі

 

  1. Жалпы ережелер

 

  1. Цифрландыру және ақпараттандыруды дамыту бөлімі (бұдан әрі – Бөлім) Маңғыстау облысы цифрлық технологиялар басқармасының (бұдан әрі – Басқарма) құрылымдық бөлімшесі болып табылады.
  2. Бөлім өз қызметін Қазақстан Республикасының Конституциясына және заңдарына, Қазақстан Республикасының Президенті мен Үкіметінің актілеріне, Қазақстан Республикасының өзге де нормативтік құқықтық актілеріне, облыс әкімдігі мен әкімінің актілеріне, сондай-ақ осы Ережеге сәйкес жүзеге асырады.
  3. Бөлімнің құрылымын, штат санын мемлекеттік органның уәкілетті лауазымды адамы Қазақстан Республикасының заңнамасында белгіленген тәртіппен штат санының лимиті шегінде бекітеді.
  4. Бөлім:

1)      бөлім басшысынан;

4)      бас маманнан тұрады.

  1. Бөлім персоналын функционалдық басқаруды және желілік басшылық етуді Бөлім басшысы жүзеге асырады.

 

  1. Цифрландыру және ақпараттандыруды дамыту бөлімінің міндеттері, функциялары, құқықтары және міндеттері

 

  1. Міндеттері:
    • қазіргі заманғы ақпараттық-коммуникациялық технологияларды дамыту және оларды экономика мен тіршілік етудің негізгі салаларына енгізу үшін жағдайларды қамтамасыз ету;
    • ақпараттық-коммуникациялық технологиялар саласындағы бірыңғай талаптардың, сондай-ақ ақпараттандырудың сервистік моделін іске асыру қағидаларының сақталуын қамтамасыз ету;
    • «SmartCity» технологияларын енгізу бойынша жұмыстарды үйлестіру;
    • облыстың жергілікті атқарушы органдарының, байланыс операторларының және өзге де мүдделі ұйымдардың елді мекендерді сапалы байланыспен және интернетпен қамтамасыз ету бөлігінде өзара іс-қимылын үйлестіруге;
    • Маңғыстау облысы әкімдігінің ақпараттық-коммуникациялық инфрақұрылымының жұмыс қабілеттілігін қамтамасыз ету;
    • облыстың жергілікті атқарушы органдары «электрондық үкіметтің» ақпараттандыру объектілерімен өзара іс-қимыл жасау үшін техникалық мүмкіндіктерді қамтамасыз ету;
    • жергілікті атқарушы органдардың ашық деректер порталын толтыру жөніндегі жұмыстарын үйлестіру.
  2. Функциялары:
  • Басқармада ақпараттық-коммуникациялық технологиялар және ақпараттық қауіпсіздікті қамтамасыз ету саласындағы бірыңғай талаптардың, «электрондық үкімет» архитектурасын дамыту жөніндегі талаптардың, деректерді басқару жөніндегі талаптардың сақталуын қамтамасыз етеді;
  • ақпараттық жүйелерді құру және дамыту кезінде стандартты шешімдерді пайдалануды жүзеге асырады;
  • «электрондық үкіметтің» ақпараттандыру объектілерін құрады және дамытады;
  • келісім бойынша жергілікті атқарушы органдардың электрондық ақпараттық ресурстарының толықтырылуын жүзеге асырады, олардың анықтығын және жаңартылып отырылуын бақылайды.
  • «электрондық үкіметтің» архитектуралық порталында «электрондық үкіметтің» ақпараттандыру объектілері туралы мәліметтерді және «электрондық үкіметтің» ақпараттандыру объектілері техникалық құжаттамасының электрондық көшірмелерін есепке алуды және жаңартып отыруды жүзеге асырады;
  • мемлекеттік органдардың ақпараттық жүйелерінің әзірленген бағдарламалық қамтылымын, бастапқы бағдарламалық кодтарын (болған кезде) және лицензиялық бағдарламалық қамтылымының баптау кешенін есепке алу және сақтау үшін «электрондық үкіметтің» сервистік интеграторына беруді қамтамасыз етеді;
  • техникалық құжаттаманың қағаз жеткізгіштердегі түпнұсқаларын сақтауды және оның сұрауы бойынша оларды «электрондық үкiметтiң» сервистік интеграторына ұсынуды қамтамасыз етеді;
  • экономиканың негізгі салаларына цифрлық технологияларды енгізу бойынша жұмысты қамтамасыз етеді;
  • «SmartCity» технологияларын енгізу бойынша жұмысты ұйымдастырады;
  • облыс аймағында цифрлық технологиялармен жұмыс істеудің бірыңғай ережелерін құруды қамтамасыз етеді;
  • өз құзыры шегінде ақпараттық технологияларды қолдану тиімділігін бағалауды арттыру бойынша ұсыныстар әзірлейді және шаралар қабылдайды;
  • халықтың тыныс-тіршілігін қамтамасыз ету және қауіпсіздік мәселелері бойынша тұрғындардың мемлекеттік органдармен, коммуналдық кәсіпорындар және ұйымдармен өзара іс-қимыл жасауын ұйымдастыру жөніндегі қызметтер ұсынуды ұйымдастырады;
  • цифрландыру жобаларын іске асырады;
  • цифрландыру саласында мемлекеттік-жекешелік әріптестік жобаларын жүзеге асырады;
  • облыстың атқарушы органдарының және олардың ведомстволық бағыныстағы ұйымдарының ақпараттандыру жұмыстарын орталықтандырылған түрде жүргізеді;
  • облыстың жергілікті атқарушы органдарының мемлекеттік органдардың аумақтық бөлімшелерімен, азаматтармен және мүдделі ұйымдармен цифрландыру және ақпараттандыру мәселелері бойынша өзара іс-қимылын үйлестіреді, консультациялық және әдіснамалық көмек көрсетеді;
  • ақпараттандыру саласындағы уәкілетті органмен келісім бойынша Қазақстан Республикасының заңнамасына сәйкес мемлекеттік қызметтер көрсету процестерін оңтайландыру мен автоматтандыру бойынша шаралар қабылдайды;
  • мемлекеттік органдардың интернет-ресурстарының бірыңғай платформасында мемлекеттік көрсетілетін қызметтер туралы ақпараттың өзектілігіне мониторинг және талдау жүргізеді;
  • облыстың жергілікті атқарушы органдарымен бірлесіп "Азаматтарға арналған үкімет" мемлекеттік корпорациясы" АҚ жергілікті филиалдары және "электрондық үкімет"порталы арқылы мемлекеттік қызметтерді сапалы көрсету жөнінде шаралар қабылдайды;
  • Бөлім жергілікті мемлекеттік басқару мүдделері үшін Қазақстан Республикасының заңнамасымен жүктелетін өзге де функцияларды жүзеге асырады;
  • ақпараттық-коммуникациялық технологиялар және ақпараттық қауіпсіздікті қамтамасыз ету саласындағы бірыңғай талаптардың, сондай-ақ ақпараттандырудың сервистік моделін іске асыру қағидаларының сақталуын қамтамасыз ету;
  • облыстың жергілікті атқарушы органдарының жұмыс сапасын жақсарту үшін «электрондық үкіметтің» ақпараттандыру объектілерін енгізу және жетілдіру жөніндегі жұмыстарға талдау жүргізу, жоспарлау және ұйымдастыру;
  • Бөлім құзыреті шеңберінде ақпараттық-коммуникациялық технологиялар саласындағы қызметтерді жеткізуші компаниялардың міндеттемелерінің уақтылы және сапалы орындалуын бақылау;
  • Бөлім құзыреті шеңберінде облыстың жергілікті атқарушы органдары (облыс әкімінің аппараты, облыстық басқармалар, қалалар мен аудандардың әкімдіктері) ашық деректердің интернет-порталында орналастыратын ашық деректер тізбесінің өзектендірілуін бақылау;
  • облыстың жергілікті атқарушы органдарының (облыс әкімінің аппараты, облыстық басқармалар, қала мен аудан әкімдіктері) ашық деректердің интернет-порталында ашық деректерді орналастыру мәселесі бойынша жұмысты үйлестіру;
  • облыстың жергілікті атқарушы органдарын Қазақстан Республикасы мемлекеттік органдарының бірыңғай көлік ортасына қосуды қамтамасыз ету және ұйымдастыру;
  • Басқарманың ақпараттық жүйелерін мемлекеттік органдардың ақпараттық жүйелерімен интеграциялауды қамтамасыз ету;
  • ақпараттық-коммуникациялық көрсетілетін қызметтер каталогына сәйкес «электрондық үкіметтің» ақпараттық-коммуникациялық инфрақұрылым операторынан ақпараттық-коммуникациялық көрсетілетін қызметтерді сатып алу;
  • телекоммуникация және байланыс саласындағы уәкілетті органмен, оның құрылымдық бөлімшелерімен облыстың елді мекендерін байланыспен және интернетпен қамтамасыз ету бөлігінде өзара іс-қимыл жасау;
  • облыстың елді мекендерінде интернет желісіне кең жолақты қолжетімділіктің болуына талдау жүргізу.
  1. Құқықтары мен міндеттері:

Цифрландыру және ақпараттандыруды дамыту бөліміне жүктелген мiндеттердi және өзiнiң функцияларын жүзеге асыру үшін заңнамада бекiтiлген тәртiппен:

1)       цифрландыру және ақпараттандыруды дамыту бөлімінің құзыретіне кіретін мәселелер бойынша облыс әкімінің шешімдері, өкімдерінің, облыс әкімдігі қаулыларының жобаларын дайындауға қатысуға;

2)       мемлекеттiк органдардан, аудандар мен қалалардың жергілікті атқарушы органдарынан, өзге де ұйымдардан, олардың лауазымды тұлғаларынан өзіне жүктелген функцияларды жүзеге асыруға қажеттi ақпараттар мен материалдарды сұрауға және алуға;

3)       өз құзыретіне кіретін мәселелер бойынша кеңестер, семинарлар, конференциялар өткізуге;

4)       облыстың, аудандардың, қалалардың жергілікті атқарушы органдарының цифрландыру және ақпараттандыруды дамыту бөлімнің құзыретіне жататын мәселелер бойынша жұмысына талдау жүргізуге;

5)       өз құзыреті шеңберінде нормативтік құқықтық актілерді әзірлеуге қатысуға;

6)       Басқарманың жетекшілік ететін мәселелері бойынша ұсыныстарды басшылықтың қарауына енгізуге құқылы.

  1. Міндеттері:
  • цифрландыру және ақпараттандыруды дамыту саласындағы бірыңғай талаптарды, сондай-ақ ақпараттандырудың сервистік моделін іске асыру қағидаларын сақтауға;
  • өз қызметінде заңдылық қағидатын, Қазақстан Республикасы Конституциясының, заңдарының және өзге де нормативтік құқықтық актілерінің талаптарын басшылыққа алуға;
  • заңды және негiзделген шешiмдер қабылдауға;
  • қабылданған шешiмдердiң орындалуын бақылауды қамтамасыз етуге;
  • өз құзыреті шеңберінде жеке және заңды тұлғалардың Басқармаға жолдаған өтініштерін қарауға, олардың орындалуын бақылауға, Қазақстан Республикасының заңнамасында белгіленген жағдайларда және тәртіппен оларға жауаптар беруге;
  • жеке тұлғаларды және заңды тұлғалардың өкілдерін қабылдауды ұйымдастыруға міндетті.

 

  1. Цифрландыру және ақпараттандыруды дамыту бөлімінің қызметін ұйымдастыру

 

  1. Бөлім Қазақстан Республикасының заңнамалық актілеріне, Президентінің актілеріне және Қазақстан Республикасының өзге де нормативтік құқықтық актілеріне сәйкес өз міндеттерін іске асыру үшін қажетті құқықтары мен міндеттері болады.
  2. Бөлімді Қазақстан Республикасының заңнамасында белгіленген тәртіппен лауазымға тағайындалатын және лауазымынан босатылатын басшы басқарады.
  3. Бөлім басшысы Бөлімнің қызметіне жалпы басшылықты жүзеге асырады және Бөлімге жүктелген міндеттердің орындалуына және оның өз өкілеттіктерін жүзеге асыруына дербес жауапты болады.
  4. Бөлім басшысы Басқарма басшылығына Бөлімнің құрылымы мен штат саны бойынша ұсыныстар береді.
  5. Бөлім құзыретіне кіретін мәселелер бойынша Бөлім атынан басқа құрылымдық бөлімшелерге жіберілетін құжаттарға Бөлім басшысы, ал болмаған жағдайда оны алмастыратын тұлға қол қояды.

 

 

 

Дата публикации
12 июля 2024