«Маңғыстау облысының цифрлық технологиялар басқармасы» мемлекеттік
мекемесін құру туралы
Қазақстан Республикасының Азаматтық кодексіне, Қазақстан Республикасының 2001 жылғы 23 қаңтардағы «Қазақстан Республикасындағы жергілікті мемлекеттік басқару және өзін-өзі басқару туралы», 2011 жылғы 1 наурыздағы «Мемлекеттік мүлік туралы» заңдарына сәйкес Маңғыстау облысының әкімдігі ҚАУЛЫ ЕТЕДІ:
- «Маңғыстау облысының цифрлық технологиялар басқармасы» мемлекеттік мекемесі (бұдан әрі – мемлекеттік мекеме) құрылсын.
- Қоса беріліп отырған мемлекеттік мекеменің Ережесі бекітілсін.
- «Маңғыстау облысы әкімінің аппараты» мемлекеттік мекемесінің басшысы (Н.Т. Тәжібаев) заңнамада белгіленген тәртіппен:
мемлекеттік мекеменің әділет органдарында мемлекеттік тіркелуін қамтамасыз етсін;
осы қаулыдан туындайтын өзге де шараларды қабылдасын.
- «Маңғыстау облысының қаржы басқармасы» мемлекеттік мекемесінің басшысы (Қ.С. Берішбаев) мемлекеттік мекемені мемлекеттік кәсіпорындар мен мекемелердің, жарғылық капиталында мемлекеттің қатысуы бар заңды тұлғалардың Тізіліміне енгізсін.
- Осы қаулының орындалуын бақылау Маңғыстау облысы әкімінің орынбасары Ғ.М. Ниязовқа жүктелсін.
Маңғыстау облысының әкімі С. Трұмов