Астанада қиын өмірлік жағдайға тап болған отбасыларға арналған тренинг өтті

Елордалық «Жанұя» ОҚО-да ҚР Мәдениет және ақпарат министрлігінің қолдауымен «Отбасы күші: қиын кезеңде қолдау және өсу»тақырыбында тренинг өтті. Іс-шара отбасы апталығына орай ұйымдастырылды. Тренинг отбасылық байланыстарды нығайтуға және өмірлік қиындықтарды жеңуге бағытталған.

Тренингке қиын өмірлік жағдайға тап болған 25 отбасы қатысты. Оны сертификатталған жаттықтырушы жүргізді. «Жанұя» орталығы 500 отбасын қадағалап, оларға қолдау көрсетеді.

Айта кетейік, елімізде жалпы саны 40 отбасын қолдау орталығы жұмыс істейді.

Қазақстандықтар ОҚО-ның көмегіне «111» байланыс орталығы арқылы жүгіне алады.

 

ҚР Мәдениет және ақпарат министрлігінің баспасөз қызметі