Қазақстанда «Музей түні» дәстүрлі акциясы басталды

Бүгін, жыл сайынғы 18 мамыр Халықаралық музей күні қарсаңында елімізде «Музей түні» акциясы өтеді.

«Музей түні» аясында дәстүрлі түрде келушілерге көрме, концерт, экскурсия, шеберлік сыныбы және интерактивті іс-шараларды қамтитын бағдарлама ұйымдастырылады. Бұл жобаның мақсаты – музей саласындағы мәдени мұраны ілгерілету және көпшілікке насихаттау.

Қазақстанда аталмыш жоба 2006 жылдан бері өткізіліп келеді. ҚР Орталық мемлекеттік музейі бұл іс-шараға белсенді түрдн қатысып келеді. Сонымен қатар бүгін «Музей түні» Абайдың «Жидебай-Бөрілі» мемлекеттік тарихи-мәдени және әдеби-мемориалдық музей-қорығында, «Ұлытау» ұлттық музей-қорығында, «Таңбалы» мемлекеттік тарихи-мәдени және табиғи музей-қорығында, «Ботай» музей-қорығында өтеді.

Ертең, 18 мамырда аталмыш іс-шара ҚР Ұлттық музейінде, Әбілхан Қастеев атындағы ҚР мемлекеттік өнер музейінде, «Әзірет-Сұлтан» және «Есік» мемлекеттік тарихи-мәдени музей-қорығында ұйымдастырылады.

 

ҚР Мәдениет және ақпарат министрлігінің баспасөз қызметі