Бикен Римова атындағы театрда «Қазақтың тойы бітпесін» премьералық қойылымы сахналанады

Бикен Римова атындағы Талдықорған драма театрында драматург Жәнібек Әликеннің «Күйеу бала» туындысы негізінде «Қазақтың тойы бітпесін» драмасы көрерменге жол тартады.

Автор шығармасында қазіргі заманның өзекті мәселелерін көтереді: ұрпақ тәрбиесі, ұлттық құндылықтар, тіпті экономикаға қатысты мәселелер де қамтылған.

Қойылымның негізгі тақырыбы — жастар арасындағы аралас неке мәселесі. Оқиғадағы басты кейіпкер — қоғамнан түсіністік пен шындықты іздеген қазақ қызы.

Қоюшы режиссер Данияр Базарқұловтың қойылымы 22 және 23 ақпанда көрермен назарына ұсынылады.

 

ҚР Мәдениет және ақпарат министрлігінің баспасөз қызметі