Хабарландыру

Қазақстан Республикасы Ақпарат және қоғамдық даму министрлігінің Ақпарат Комитеті (Ақпарат Комитетінің  мекенжайы Астана қ. Мәңгілік Ел  даңғылы, 8, Министрліктер Үйі, 14 кіреберіс)  Қазақстан Республикасының 2023 жылға заңнамалық актiлердi  мерзімді баспа басылымдар және Конституциалық Кеңестің қорытынды шешімдерін ресми жариялау құқығын алуға конкурс өткізетіні туралы хабарлайды.

Конвертке салынып, мөрмен бекітілген конкурстық құжаттар 2022 жылғы «19» желтоқсанның сағат 17.00 дейін Астана қ., Мәңгілік Ел даңғылы, 8, Министрліктер үйі, 14 кіреберіс, рұқсаттама бюросындағы «МИОР» жәшігінде қабылданады.

Өтінімдері бар конверттер 2022 жылғы «20» желтоқсан сағат 11:00-де мына мекенжай бойынша ашылады: Астана қаласы, Мәңгілік Ел даңғылы, 8, Министрліктер үйі, 14-кіреберіс, 739 кабинет.

Конкурс  қатысушыларына  қойылатын талаптар:

- конкурсқа  тұрақты атауы, ағымдағы нөмері бар мерзімді басылымдар (тұрақты атауы, ағымдағы нөмірі бар және кемінде үш айда бір рет шығарылатын газет, журнал, альманах, бюллетень және олардың қосымшалары) қатыса алады;

- мерзімді басылымның тиражы  30 000  кем емес;

- конкурстық өтінімдер мемлекеттік және орыс тілдерінде толтырылады.

Конкурсқа қатысуға ниет білдірген мерзімді баспасөз басылымы конкурсты ұйымдастырушыға мөр басылған конвертте баспа басылымдарының таралымы мен шығарылу кезеңін растайтын баспаханадан анықтама қоса берілген өтінімді ұсынады.

Хабарландыруда көрсетілген өтінімдерді қабылдау мерзімі өткеннен кейін түскен өтінімдер қабылданбайды.

Өтініш нысаны  мен конкурс талаптары және тағы да басқа қосымша ақпаратты  Қазақстан Республикасы Ақпарат және қоғамдық даму министрлігінің Ақпарат Комитетінде Астана қ. Мәңгілік Ел даңғылы, 8, Министрліктер Үйі, 14 кіреберіс мекенжайы арқылы немесе  +7 (7172) 74-05-35, 74-04-73 байланыс телефондары арқылы біле аласыз.