ҮЕҰ мемлекеттік қаржыландыру тетіктерін жетілдіру бойынша ұсыныстарды талқылау

Ақпарат және қоғамдық даму министрлігі үкіметтік емес ұйымдарды мемлекеттік қолдау тетіктерін жетілдіру жұмыстарын жалғастыруда.

Осы орайда, Министрлік ҮЕҰ өкілдерінің қатысуымен келесі бағыттар бойынша диалог алаңдарын өткізуді жоспарлап отыр:

23 ақпанда - мемлекеттік қаржыландыру шеңберінде әлеуметтік жобалар тақырыптарын қалыптастыру бойынша;
25 ақпанда - әлеуметтік жобалардың тиімділігін мониторингілеу және бағалау тетіктері бойынша.

Диалог алаңдарының шеңберінде ҮЕҰ-ны мемлекеттік қаржылық қолдау тетіктерінің өзекті мәселелері талқыланып, оларды шешу жолдары бойынша ұсыныстар тыңдалады.

Диалог алаңдарының қорытындысы бойынша заңнамалық және нормативтік өзгерістердің жобасы әзірленетін болады.

Осы іс-шараларға қатысу үшін өтінімді (ұйымның аты-жөні мен атауын, байланыс телефондарын көрсете отырып) 2022 жылғы 22 ақпанға дейінгі мерзімде Азаматтық қоғам істері комитетінің көрсетілген электронды поштасына ( a.baktymbetova@qogam.gov.kz ) жіберу қажеттігін хабарлаймыз.

Қосымша ақпаратты мына номерлер бойынша алуға болады: 74-02-17, 74-05-11