100-ден астам ауылдық ҮЕҰ ауылдағы азаматтық бастамалардың өсуі мен дамуының «нүктелерін» атап өтті

АҚДМ ауылдық ҮЕҰ-мен бірқатар диалогтік талқылаулар өткізуді жалғастыруда.
2021 жылғы 26 қазанда Солтүстік және Шығыс өңірлерінің ауылдық ҮЕҰ өкілдерімен бірлесіп алаң ұйымдастырылды.
Іс-шара Мемлекет басшысының Қазақстан халқына Жолдауын ауылдық жерлерде азаматтық бастамаларды қолдау тетігін әзірлеу бөлігінде ілгерілетуге және іске асыруға арналған.
Спикер ретінде Азаматтық қоғам істері комитеті төрағасының орынбасары Гүлбара Сұлтанова сөз сөйледі. Ауылдық ҮЕҰ дамыту бойынша ұсыныстарды: Павлодар география үйінің Ефремов филиалының басшысы Светлана Шин, «Ұлағат» басшысы ҚБ Аяужан Әшімова, «Jarqyn Bolashaq» ҚБ төрағасы Сұлтан Шаймағанбет, «NECO» экологиялық клубы» ҚҚ төрағасы Наурызбек Бірмағамбетов атап өтті.
Кездесу барысында қатысушылар проблемалық мәселелерді шешу бойынша ұсыныстар айтып, пікір алмасты.
Олардың айтуынша, ауылдық ҮЕҰ-ны дамытудың негізгі кедергісі ҮЕҰ-ның ақпараттық хабардарлығының жеткіліксіздігі, ауылдық азаматтық орталықтардың, гранттық жобалардың болмауы, сондай-ақ жергілікті қоғамдастықтың проблемаларын шешуге бағытталған мемлекеттік әлеуметтік тапсырыстың жеткіліксіз саны болып табылады.
Алдағы уақытта осындай алаңдарды Оңтүстік, Орталық және Батыс өңірлермен өткізу жоспарланып отыр.