Нұр-Сұлтан қаласында «Кәсіби даму Академиясы» жобасын іске асыру шеңберінде Қазақстанның барлық өңірлерінен жастар саясаты саласындағы басқару корпусы үшін оқыту семинарлары аяқталды.

Нұр-Сұлтан қаласында «Кәсіби даму Академиясы» жобасын іске асыру шеңберінде Қазақстанның барлық өңірлерінен жастар саясаты саласындағы басқару корпусы үшін оқыту семинарлары аяқталды.
Он күн бойы жобаға қатысушылар басқарушылық құзыреттілікті және көшбасшылықты дамыту, жастар ортасында «Рухани жаңғыру» бағдарламасының қағидаттарын енгізу бойынша оқыту, тренингтерден өтті, жастар саясаты және жастар жұмысының негіздері бойынша семинарларға қатысты, сондай-ақ жобалық менеджмент бойынша курстан өтті.
Оқыту келесі алаңдарда өтті: «Нұр Отан» партиясының Саяси менеджмент мектебі, ҚР Президенті жанындағы Мемлекеттік басқару Академиясы, «Рухани жаңғыру» қазақстандық қоғамдық даму институты және «Жастар» ғылыми-зерттеу орталығы.
Тренер, дәріскер болып кәсіби коуч, бизнес-тренер, өз саласының танымал кәсіпқойлары қатысты.
«Кәсіби даму Академиясы» жобасының барлық қатысушылары конкурстық негізде іріктеуден өткенін еске саламыз. 40-тан астам өтінімнің ішінен 20 қатысушы іріктеліп алынды, олар Қазақстанның барлық өңірлерінен жастар саясаты саласындағы басқару корпусының өкілдері болып табылады.