Сарапшылар қазақстандықтардың азаматтылық сәйкестілік сұрақтарын талқылады

Нұр-Сұлтанда ҚР АҚДМ Қолданбалы этносаяси зерттеулер институтының этносаяси дискурсы алаңында онлайн форматта «Азаматтық сәйкестілік және оның компоненттері» тақырыбына сарапшылық кездесу өтті.
Іс-шараға ҚР Парламенті Мәжілісінің депутаты, Қазақстан халқы Ассамблеясының және ғылыми-сараптамалық кеңестің мүшелері, АҚДМ Этносаралық қатынастарды дамыту комитетінің, «Nur Otan» қоғамдық саясат институтының, ҚЭЗИ сарапшылық тобының, ҚХА кафедралары қауымдастығының өкілдері және т.б. қатысты.
Институт директоры Талғат Қалиев бастама сөзінде Мемлекет басшысының «Тәуелсіздік бәрінен қымбат» атты мақаласында сапалы жаңа бірегейлікті құру қажеттілігі туралы мәселені қозғайтынын атап өтті. Оның пікірінше, «сәйкестік» терминін түсіну үшін оны компоненттерге бөліп, бір-бірімен арақатынасын бағалау, осы сәйкестікті құру және оның өзектілігін анықтау үшін қажетті шараларды қабылдау өте маңызды.
Мәжіліс депутаты Берік Әбдіғалиұлы өз сөзінде бірегейлік мәселелерін зерделеу үшін сарапшылардың кең ауқымын қосу қажет екенін атап өтті.
Институт директорының орынбасары Айгүл Сәдуақасова адамдарға өздерін еліміздің толыққанды азаматтары деп санауға мүмкіндік беретін және бірегейлік сезіміне әсер ететін бұл туған жері, мәдени ұқсастығы және т.б. компоненттерге назар аударды.
Іс-шара барысында қатысушылар пікір алмасып, талқыланған тақырып бойынша өз көзқарастарын білдірді.