Вице-министр Абзал Нүкенов Атырау облысында «Түлектер тақтасы» жобасының жүзеге асырылу барысымен танысты

18 сәуір күні Қазақстан Республикасының Дін істері және азаматтық қоғам вице-министрі Абзал Нүкенов Атырау облысына жұмыс сапары аясында Каспий өңірінің қазіргі замандағы колледжіне барды.

А.Нүкенов 2017 жылғы 23 тамыздан бастап білім беру мекемелерінің түлектеріне арналған ақпараттық стендтерді құру туралы Қазақстан Республикасы Премьер-Министрінің орынбасары Асқар Маминнің тапсырмасының орындалу барысымен танысты. Ақпараттық стендтердің негізгі мақсаты - мектеп және колледж түлектерін кәсіптік бағдарлау, білім беру және одан әрі жұмысқа орналастыру мүмкіндіктері туралы хабардар ету.

Вице-министр А. Нүкенов осындай ақпараттық стендтер жастардың өз мамандығын таңдауына бағыт беруі керектігін атап өтті. Колледж ғимаратында орнатылған ақпараттық стенд ҚР Дін істері және азаматтық қоғам министрлігінің ұсыныстарына сәйкес жасалған. Онда үміткерлерді кешенді тестілеу, елдің жоғары оқу орындарының тізімі, жұмыспен қамту орталығының ағымдағы бос орындары туралы ақпараттары бар. Сондай-ақ, әр жылдары түлектерді жұмысқа орналастыру туралы нақты ақпараттар көрсетілген.

Жұмыс сапары барысында  вице-министр А. Нүкеновке оқытушылар қауымының студенттерге түйіндемелерін дұрыс толтыру, жұмыс берушімен әңгімелесуге дайындық жүргізуді үйрететіні  айтылды. Сондай-ақ, белгілі бір жетістікке жеткен жұмысқа қабылданған түлектермен кездесулер ұйымдастырылады.