Қазақстан Республикасы Ұлттық экономика министрінің 2021 жылғы 11 тамыздағы № 79 және Қазақстан Республикасы Стратегиялық жоспарлау және реформалар агенттігі төрағасының 2021 жылғы 12 тамыздағы бірлескен бұйрығымен бекітілген Ұлттық жобаларды әзірлеу жөніндегі әдістеменің 25-тармағына сәйкес БҰЙЫРАМЫН:
- Қоса беріліп отырған «Ұлттық рухани жаңғыру» ұлттық жобасының нәтижелер көрсеткіштерін есептеу әдістемесі бекітілсін.
- Қазақстан Республикасы Ақпарат және қоғамдық даму министрлігінің ведомстволары мен құрылымдық бөлімшелерінің басшылары қолданыстағы заңнама талаптарын сақтай отырып, жүктелген міндеттерді сапалы іске асыруды қамтамасыз етсін.
- Қазақстан Республикасы Ақпарат және қоғамдық даму министрлігінің «Рухани жаңғыру» бағдарламасын үйлестіру департаменті 10 жұмыс күні ішінде осы бұйрықты Қазақстан Республикасы Ақпарат және қоғамдық даму министрлігінің ресми интернет-ресурсында орналастыруды қамтамасыз етсін.
- Осы бұйрықтың орындалуын бақылау Қазақстан Республикасы Ақпарат және қоғамдық даму министрлігінің «Рухани жаңғыру» бағдарламасын үйлестіру департаментіне жүктелсін.
- Осы бұйрық қол қойылған күнінен бастап күшіне енеді.
Қазақстан Республикасының Ақпарат
және қоғамдық даму министрі А. Омаров