Қазақстан Республикасының Жасанды интеллект және цифрлық даму министрлігі жанындағы Қоғамдық кеңесті қалыптастыру жөніндегі жұмыс тобы Қоғамдық кеңесті қалыптастыру бойынша конкурс жариялайды.
Конкурсқа коммерциялық емес ұйымдардың өкілдері, Қазақстан Республикасының азаматтары қатыса алады. Қоғамдық кеңес мүшелігіне кандидаттарды коммерциялық емес ұйымдар, азаматтар, оның ішінде өзін-өзі ұсыну арқылы да ұсына алады.
Кандидаттарға қойылатын талаптар:
Қоғамдық кеңес мүшелігіне кандидат:
1) Қазақстан Республикасының заңнамасында белгіленген тәртіппен жойылмаған немесе алынбаған сотталғандығы болмауы;
2) сот заңда белгіленген тәртіппен сыбайлас жемқорлық қылмыс және (немесе) сыбайлас жемқорлық құқық бұзушылық жасауда кінәлі деп танымаған болуы;
3) психикалық, мінез-құлықтық, оның ішінде психикаға белсенді әсер ететін заттарды тұтынуға байланысты бұзылушылықтардың (аурулардың) себебі бойынша психикалық денсаулық саласында медициналық көмек көрсететін ұйымдарда есепте тұрмауы қажет.
Құжаттар тізбесі:
1) кандидатураны Қоғамдық кеңестің құрамына ұсыну туралы коммерциялық емес ұйымның жазбаша ұсынысы және (немесе) азаматтың өтініші 1-нысанға сәйкес;
2) өмірбаян деректері көрсетіле отырып, кандидаттың кәсіптік және (немесе) қоғамдық қызметі туралы мәліметтер;
3) сотталғандығының болуы не болмауы туралы анықтама;
4) психикалық, мінез-құлықтық, оның ішінде психикаға белсенді әсер ететін заттарды тұтынуға байланысты бұзылушылықтардың (аурулардың) болуы не болмауы туралы анықтама;
5) "Дербес деректер және оларды қорғау туралы" Қазақстан Республикасы Заңының 8-бабына сәйкес кандидаттың дербес деректерін жинауға, өңдеуге, таратуға және жариялауға келісімі 2-ныcанға сәйкес.
Қоғамдық кеңес мүшелігіне кандидат Қоғамдық Кеңес туралы үлгілік ереженің 27 тармағының бірінші бөлігінің 3) және 4) тармақшаларында көзделген анықтамаларды өз бетінше немесе өзінің қатысуымен Қоғамдық кеңес құрылатын мемлекеттік органның көрсетілген анықтамаларды ақпараттық жүйелерден талап етіп алдыруына жазбаша келісуі арқылы ұсынады.
Қоғамдық кеңестің жұмыс істеп тұрған мүшелері жалпы негіздерде конкурсқа қатысу үшін өз өтініштерін бере алады.
Қоғамдық кеңестің сандық құрамы – 23 адам. Оның ішінде:
Конкурсқа қатысуға арналған құжаттар 2025 жылғы 15 қазаннан 29 қазанға дейін a.kabylov@mdai.gov.kz электрондық пошта мекенжайы арқылы немесе Астана қаласы, «Мәңгілік Ел» даңғылы 55/5, С – 2.4 мекенжайы бойынша, 1.19 кабинетте қабылданады.