Youtube желісіндегі Alga Peterburg каналы «Қазақ тілін үйренейік!» деген айдармен тіл үйрету бейнесабағын бастады, деп хабарлайды kazgazeta.kz
Қазақстандық əнші, композитор Димаш Құдайбергеннің жанкүйерлеріне арналған қазақ тілін үйрену курсының желіде 1-сабағы жарияланды. Оқытушысы - Мәскеу қаласының тұрғыны Мамай Құрбанбаев. Сабаққа қатысушы ресейлік жастар “Біз Қазақстанда болдық. Қазақ тілі бізге ұнады, өте әуезді тіл. Біз кумиріміз Димаш сөйлейтін тілді үйренгіміз келеді”, дейді.
Канал көрермендері де Alga Peterburgтің бастамасын қолдап, қазақ тілін қызығушылықпен үйренетіндіктерін жазып жатыр. “Бұл Димаштың жанкүйерлеріне жасалып отырған үлкен мүмкіндік” деп пікір білдірген олар бейнесабақ туралы.
Бейнесабақты Facebook желісінде бөліскен қазақстандықтар “Бере салған Димашымызбен тілдесу үшін, орыс жастары қазақ тілін еш млрд.ақшаны тіл үйренуге шашпай-ақ үйреніп жатыр!” деп жазады.
Айта кетейік, Alga Peterburg - Ди¬маш Құдайбергеннің шығармашылығын жəне Димаш арқылы қазақ мәдениетін əлемге таныстырып жүрген халықаралық канал. Канал мақсатын жүргізушілері ақпаратты мəдениет призмасы арқылы тарату деп түсіндіреді.
https://kazgazeta.kz/news/117003