Қазақстан Республикасы Ғылым және жоғары білім министрінің «Мемлекеттік терминология комиссиясын құру туралы» 2022 жылғы 19 қыркүйектегі № 48 бұйрығына өзгерістер енгізу туралы

Қазақстан Республикасы Ғылым және

жоғары білім министрінің «Мемлекеттік

терминология комиссиясын құру туралы»

2022 жылғы 19 қыркүйектегі № 48 бұйрығына

өзгерістер енгізу туралы

Қазақстан Республикасы Президентінің «Мемлекеттік аппараттың қызметін бюрократиядан арылту жөніндегі шаралар туралы» 2022 жылғы 13 сәуірдегі № 872 Жарлығының 2-тармағына сәйкес және қазақ тілі терминологиясы саласындағы жұмыстарды жүйелеу мақсатында  БҰЙЫРАМЫН:

1. Бұйрықтың тақырыбы мынадай редакцияда жазылсын:

«Республикалық терминология комиссиясын құру туралы».

2. Осы бұйрықпен бекітілген Мемлекеттік терминология комиссиясы туралы ережеде (бұдан әрі – Ереже):

тақырыбы мынадай редакцияда жазылсын:

«Республикалық терминология комиссиясы туралы ереже»;

1-тармағы мынадай редакцияда жазылсын:

«1. Республикалық терминология комиссиясы (бұдан әрі – Комиссия) экономиканың, ғылымның, техниканың және мәдениеттің барлық  салалары бойынша қазақ тілінің терминологиялық лексикасы саласында ұсыныстар тұжырымдайтын консультациялық-кеңесші орган                            болып табылады.».

3. Республикалықтерминология комиссиясының құрамы осы бұйрықтың № 1 қосымшасына сәйкес жаңа редакцияда жазылсын.
4. Ережеге қосымша осы бұйрықтың № 2 қосымшасына сәйкес жаңа редакцияда жазылсын.
5. Осы бұйрықтың орындалуын бақылау жетекшілік ететін Қазақстан Республикасының Ғылым және жоғары білім вице-министріне жүктелсін.
6. Осы бұйрық қол қойылған күнінен бастап күшіне енеді.

 

Қазақстан Республикасы

Ғылым және жоғары білім

министрінің міндетін атқарушы                                                                      Т. Ешенқұлов 

Дата публикации

15 мая 2023