Жер ресурстарын басқару комитетінің 2024 жылғы жұмыс қорытындылары мен 2025 жылға арналған жоспарлар

Азаматтармен жұмыс:

  Ағымдағы жылы Комитет басшылығы мен Жер ресурстарын басқару комитетінің аумақтық бөлімшелерінің басшылары 237 азаматты қабылдады, қабылдау барысында 160-тан астам мәселе көтерілді. Оның ішінде:

• 66 мәселе шешімін тапты;
• 95 өтініш бойынша түсіндірмелер берілді.

Жердің пайдаланылуын бақылау:

• 6492 тексеріс жүргізілді, нәтижесінде жер заңнамасын бұзудың 5288 жағдайы анықталды;
• 498,2 млн теңге көлемінде айыппұл салынды;
• Негізгі бұзушылықтар ауыл шаруашылығы жерлерін пайдаланбау немесе тиімсіз пайдалану (29 мың га) және жер учаскелерін беру кезінде ережелердің бұзылуымен (899 жағдай) байланысты.

Негізгі нәтижелер:

• Ауыл шаруашылығы жерлерін цифрландыру 205 млн гектар аумақта аяқталды;
• 25,1 млн гектар жерге зерттеулер жүргізілді, оның ішінде топырақ және агромелиорациялық зерттеулер;
• Мемлекеттік меншікке 2,135 млн гектар ауыл шаруашылығы жерлері қайтарылды.

Заңнамадағы өзгерістер:

• Солтүстік өңірлерге көшіп келгендерге 5 жылға дейін конкурссыз ауыл шаруашылығы жерлерін жалға алу мүмкіндігі берілді;
• Жеке тұрғын үй құрылысына арналған жерлерді резервке қою шаралары енгізілді.

Комитеттің алдағы жоспарлары:

• Пайдаланылмаған 2 млн гектар ауыл шаруашылығы жерлерін мемлекеттік меншікке қайтару;
• Топырақ құнарлылығын қалпына келтіру бойынша Жол картасын іске асыру;
• Тұрақты ауыл шаруашылығы үшін көміртекті егіншілікті дамыту.