Жоспарлы тексеру кешенді бақылау шарасы ретінде

Қостанай облысының жер ресурстарын басқару департаменті ағымдағы жылдың бірінші жартыжылдығында ауыл шаруашылығы мақсатындағы жер учаскелері бар шаруашылық жүргізуші субъектілерге қатысты тексеру субъектісіне барып, профилактикалық бақылау жоспары шеңберінде 61 тексеру жүргізді.

Мұндай тексерулердің ерекшелігі - инспекторлармен бір тексеру шеңберінде тексеру парағында көзделген міндеттемелердің барлық спектрі қамтылады, ал жоспардан тыс тексерулер кезінде көбінесе оның тармақтарының бірі ғана тексеру нысаны болып табылады.

Тексерудің бұл түрінің тағы бір ерекшелігі – бұзушылықтар анықталған жағдайда да, субъектілер айыппұл санкцияларына жатпайды, тек бұзушылықтарды жою қажеттілігі туралы нұсқама алады.

Осылайша, жыл басынан бері Департамент профилактикалық бақылау шеңберінде жалпы ауданы 17 мың гектарға 54 нұсқама берді.

Нұсқамалар мерзімінде орындалмаған жағдайда аталған жерлер мемлекет меншігіне қайтарылады.