2022 жылғы 5 ай ішінде облыс аумағында 33,7 мың га жайылымдық алқапта 59 тексеру жүргізілді.
59 тексерудің 51-і өтініштер бойынша, 8-і бақылау тексерісі.
Тексеру нәтижелері бойынша 30,8 мың га алаңда 33 бұзушылық анықталды, оның ішінде 30,8 мың га ауыл шаруашылығы мақсатындағы пайдаланылмайтын жерлер.
Тексеру қорытындысы бойынша бұзушылықтарды жою туралы 33 нұсқама, оның:
- 23 нұсқамасы жергілікті атқарушы органдарға және олардың құрылымдық бөлімшелеріне;
- 9 нұсқама анықталған пайдаланылмайтын және нысаналы мақсаты бойынша пайдаланылмайтын жер учаскелері бойынша;
- 1 қайталама нұсқама бақылау тексерісінің нәтижелері бойынша берілді.
ҚР Жер кодексінің 164-1-бабына сәйкес Петропавл қаласының әкіміне жерді өзгенің заңсыз иеленуінен талап ету жөнінде хат жолданды.
Қабылданған шаралар нәтижесінде:
- 7,7 мың га алаңда бұзушылықтар жойылды, оның ішінде: ауыл шаруашылығы мақсатындағы жерлерде 7,7 мың га, оның ішінде егістік 0,5 мың га, жайылым 7,2 мың га, елді мекендер жерлерінде 0,001 мың га.
- 0,6 мың га алаңда жалдау шарты бұзылып, меншік (жер пайдалану) құқығы тоқтатылды, оның ішінде егістік 0,08 мың га, жайылым 0,5 мың га.
- 3 талап арыз - 0,21 га алаңда елді мекен жерлерінде сот тәртібімен алып қою туралы берілді;
- 15 талап арыз - 1 472,16195 га алаңда мәмілелерді жарамсыз деп тану туралы берілді, оның ішінде: 0,15195 га елді мекен жерлерінде және 1 472,01 га ауыл шаруашылығы мақсатындағы жерлерде.
Қазіргі уақытта барлық 18 талап арыз сотта қаралуда.
Сонымен қатар, бұзушылықтарды жою туралы берілген нұсқамаларды орындамағаны үшін ҚР ӘҚБтК-нің 462-бабының 3-бөлігіне сәйкес соттар 91,92 мың теңге сомасына 6 айыппұл салды.