«Орман қоры жерлерінің жекелеген учаскелерін басқа
санаттағы жерлерге ауыстыру туралы» Қазақстан Республикасы Үкіметі қаулысының жобасына баспасөз-релизі
Қазақстан Республикасы Ауыл шаруашылығы министрлігімен Қазақстан Республикасы Жер кодексiнің 130-бабына және Қазақстан Республикасы Орман кодексiнің 51-бабына сәйкес, Қазақстан Республикасы Үкіметінің қаулы жобасы әзірленді.
Аталған Үкіметтің қаулы жобасымен Қарағанды облысының табиғи ресурстар және табиғат пайдалануды реттеу басқармасының «Орман және жануарлар дүниесін қорғау жөніндегі Қарағанды шаруашылығы» коммуналдық мемлекеттік мекемесінің орман қоры жерлерінен жалпы алаңы 3,0 гектар жер учаскелері өнеркәсіп, көлік, байланыс, ғарыш қызметі, қорғаныс, ұлттық қауіпсіздік мұқтажына арналған және ауыл шаруашылығына арналмаған өзге де жерлер санатына ауыстыру көзделген.
Жерлерді ауыстырудың мақсаты – «Ресей Федерациясы шекарасы (Екатеринбургке)–Алматы» автомобиль жолының «Астана–Қарағанды–Балқаш–Алматы» Орталық–Оңтүстік коридорын 1472 – 1497 км реконструкциялау, Қарағанды қаласының Шығыс айналмасы жаңа автожолының құрылысын салу.
Жобаны қабылдау әлеуметтiк-экономикалық немесе құқықтық теріс салдарға әкеп соқпайды.