«Орман қоры жерлерінің жекелеген учаскелерін басқа санаттағы
жерлерге ауыстыру туралы» Қазақстан Республикасы
Үкіметі қаулысының жобасына баспасөз-релизі
Қазақстан Республикасы Ауыл шаруашылығы министрлігімен Қазақстан Республикасы Жер кодексiнің 130-бабына және Қазақстан Республикасы Орман кодексiнің 51-бабына сәйкес, «Орман қоры жерлерінің жекелеген учаскелерін басқа санаттағы жерлерге ауыстыру туралы» Қазақстан Республикасы Үкіметінің қаулы жобасы (бұдан әрі – Қаулының жобасы) әзірленді.
Қаулының жобасымен «Қаскелең орман шаруашылығы» коммуналдық мемлекеттік мекемесінің орман қоры жерінен жалпы алаңы 4,4035 гектар жер учаскелерi өнеркәсiп, көлiк, байланыс, ғарыш қызметі, қорғаныс, ұлттық қауіпсіздік мұқтажына арналған жер және ауыл шаруашылығына арналмаған өзге де жер санатына ауыстыру көзделген.
Жерлерді ауыстырудың мақсаты – «Ресей шекарасы (Екатеринбург) – Алматы (Қостанай, Нұр-Сұлтан, Қарағанды қ. арқылы) 2453 шм – 2446 шм (42-49 шм) Шамалған станциясын айналып өтетін» республикалық маңызы бар автомобиль жолын қайта құру (салу).
Жобаны қабылдау әлеуметтiк-экономикалық немесе құқықтық теріс салдарға әкеп соқпайды.