"Азаматтарға арналған үкімет" мемлекеттік корпорациясы Halyk Bank-пен бірлесіп blockchain технологиясын қолдана отырып, жылжымайтын кепіл мүлкін алу процесін іске қосты. Енді банк клиенттері ХҚКО-ға жүгінбей-ақ өз мүлкін кепілден алып тастай алады.
Halyk Bank клиенттері енді ХҚКО-ларға жүгінбей-ақ өздерінің жылжымайтын мүліктерінен кепілді алып тастай алады. Бұл Blockchain технологиясын қолдану арқылы мүмкін болды.
"Клиенттер кепілді алуға өтінімді тікелей "Halyk Homebank" мобильді қосымшасында ресімдей алады, сол жерде тапсырысты электрондық төлеу және дайын нәтиже алу мүмкіндігі іске асырылды. Сервисті пайдалану нәтижені күту уақытын үш күннен бірнеше минутқа дейін қысқартады, клиенттерді қағаз жинаудан және ХҚКО-ға жүгінуден босатады", - деп атап өтті Мемлекеттік корпорацияның Басқарма төрағасының орынбасары Асхат Ибраев.
Айта кетейік, Blockchain технологиясының арқасында азаматтардың ХҚКО қызметкерлерімен физикалық байланысы да алынып тасталады, бұл деректерді үшінші тұлғаларға беруден қорғауды қамтамасыз етеді.
Жылжымайтын мүлікке ауыртпалықты тоқтатуды тіркеу қызметі қазақстандықтар арасында ең сұранысқа ие қызметтердің бірі болып табылады. Ағымдағы жылдың 9 айында ХҚКО-ға өтініштер арқылы 108 341 кепіл тоқтатылды.
Осы жылдың шілде айының басында дәл осындай сервис Мемлекеттік корпорация мен "Отбасы банк"арасында іске қосылды. Қызмет іске қосылған сәттен бастап 600-ге жуық кепіл тоқтатылды.
Естеріңізге сала кетейік, Мемлекеттік корпорацияның Екінші деңгейдегі банктермен ынтымақтастығы аясында азаматтар тұрғылықты жері бойынша тіркеле алады, автокөлікті қайта ресімдей алады, ЖК тіркей алады, жүргізуші куәлігін ауыстыра алады, Мемлекеттік әлеуметтік жәрдемақы, туу туралы куәлік және басқа да қажетті құжаттарды үйден шықпай-ақ ала алады.
СҚО бойынша" Азаматтарға арналған үкімет " МК КЕАҚ филиалының баспасөз қызметі