«Жан қанаты» фестивалі – өнер мен жігердің мерекесі
Мүмкіндігі шектеулі жандар арасында жыл сайын өтетін «Жан қанаты» фестивалі биыл да өнер сүйер қауымды бір арнаға тоғыстырды.
Дәстүр бойынша, іс-шара мейірімділік пен өзара құрметке толы ерекше атмосферада өтті.
Аудандық Мәдениет үйінің фойесінде фестиваль қатысушылары бейнелеу өнері мен сәндік-қолданбалы өнер туындыларының көрмесін ұсынды. Ал сахна төрінде әдеби және вокалдық өнерлерін ортаға салып, көрермендерге көтеріңкі көңіл күй сыйлады.
Фестиваль соңында қатысушыларды марапаттау рәсімі өтті.
«Жан қанаты» фестивалі – жай ғана шығармашылық байқау емес, ол – қайсарлықтың, өмірге деген құштарлықтың және өнерге деген сүйіспеншіліктің жарқын үлгісі.