Отбасы құндылықтарын нығайту және ата-аналардың бала тәрбиесіндегі жауапкершілігін арттыру мақсатында «Саналы ата-ана болу» тақырыбында дөңгелек үстел ұйымдастырылды.
Іс-шара барысында бала тәрбиесіндегі ата-ананың рөлі, отбасындағы өзара түсіністік пен сенім, балаға дұрыс көңіл бөлу және оның эмоционалдық қажеттіліктерін түсіну мәселелері талқыланды.
Қатысушылар өз ойларымен бөлісіп, бала мен ата-ана арасындағы жылы қарым-қатынасты қалыптастырудың маңыздылығына тоқталды. Сонымен қатар, заманауи қоғам жағдайында бала тәрбиесіне жауапкершілікпен қарау, баланың пікірін тыңдау және оған қолдау көрсету жөнінде пікір алмасты.
Дөңгелек үстел соңында қатысушылар саналы ата-ана болу – баланы тәрбиелеумен қатар, оны түсіну, тыңдау, қолдау және тұлға ретінде құрметтеуден басталатынын атап өтті.