«Адам игілігі жолындағы қайырымды іс» қайырымдылық бастамасы аясында «Қызылжар ауданы әкімдігінің Отбасын қолдау орталығы» КММ өмірлік қиын жағдайға тап болған азаматтарға атаулы көмек көрсету бағытындағы жұмыстарын әлеуметтік жауапкершілігі жоғары кәсіпкерлермен бірлесіп жалғастыруда.
Осы ынтымақтастық аясында «Ахмутдинов» ЖК Бескөл ауылында тұратын мүгедектігі бар 11 азаматты алдағы жылыту маусымына қажетті отынмен қамтамасыз етті.
Көмек алушылардың тізімі Отбасын қолдау орталығының мамандары тарапынан әзірленді.
Әлеуметтік жауапкершілік танытып, қайырымдылық көмек көрсеткен «Ахмутдинов» ЖК-не шынайы алғысымызды білдіреміз.
Осындай игі бастамалар көмекке мұқтаж жандарға қолдау көрсетіп қана қоймай, қоғамдағы өзара жанашырлық, мейірімділік пен қайырымдылықты нығайтуға ықпал етеді.