Қызылжар ауданында пробация есебінде тұрған азаматтар арасында дартс турнирі өтті.
Қызылжар ауданының Отбасын қолдау орталығы пробация қызметімен бірлесіп, пробация есебінде тұрған азаматтар арасында дартс турнирін ұйымдастырды.
Жарысқа 9 қатысушы қатысты. Турнир ережесіне сәйкес, әр қатысушы үш серия бойынша үш реттен лақтыру орындап, жеңімпаздар жинаған ұпай саны бойынша анықталды.
Іс-шара достық әрі жағымды атмосферада өтіп, қатысушылардың мергендігін, спортқа деген қызығушылығын арттыруға және салауатты өмір салтын насихаттауға ықпал етті.
Жеңімпаздарды құттықтаймыз және барлық қатысушыларға белсенділік танытып, әділ ойын көрсеткендері үшін алғысымызды білдіреміз!