Мобильді кабинет жұмысы ұйымдастырылды
Қызылжар ауданының Отбасын қолдау орталығының мамандары мобильді топ құрамында елді мекен тұрғындарымен кездесіп, мобильді кабинет жұмысын ұйымдастырды.
Кездесу барысында азаматтарға әлеуметтік, құқықтық және психологиялық мәселелер бойынша консультациялық көмек көрсетіліп, қажетті түсіндіру жұмыстары жүргізілді.
Мамандар тұрғындардың сұрақтарына жауап беріп, қолдау көрсету тетіктері туралы жан-жақты ақпарат ұсынды. Мұндай кездесулер халыққа қолжетімді көмек көрсетуді арттыруға және өзекті әлеуметтік мәселелерді дер кезінде шешуге бағытталған.