Бескөл ауылындағы Пробация үйінде пробация есебінде тұрған азаматтарды кезекті қабылдау өтті.
Кездесу «Заң және тәртіп» тұжырымдамасын іске асыру аясында жергілікті атқарушы және құқық қорғау органдарының, пробация қызметі мен прокуратура өкілдерінің қатысуымен ұйымдастырылды.
Қабылдау барысында пробация есебінде тұрған алты азамат кеңес алу үшін жүгінді. Негізгі назар жұмысқа орналасу, тұрғын үй-тұрмыстық жағдайларды жақсарту және әлеуметтік көмек алу мәселелеріне аударылды. Әрбір өтініш бойынша қажетті түсіндірулер мен ұсыныстар берілді.
Қатысушылардың бірі жеке кәсіп ашу мүмкіндігі туралы сұрақ қойды. Мамандар мемлекеттік қолдау алу тәртібін, оның ішінде гранттық қаржыландыру мүмкіндіктерін түсіндіріп, кәсіпкерлік бастаманы жүзеге асырудың алдағы қадамдарын айқындап берді.
Осындай қабылдаулар аудандық қызметтер мен ведомстволар басшыларының қатысуымен Пробация үйінде ай сайын тұрақты түрде өткізіліп тұрады.