Қызылжар аудандық полиция бөлімімен бірлескен тексеру жұмыстары туралы
Қызылжар аудандық полиция бөлімімен бірлесе отырып, жәбірленген тұлғалардың тұрмыстық жағдайын бақылау және оларға қажетті қолдау көрсету мақсатында кезекті тексеру жұмыстары жүргізілді.
Аталған іс-шараға Отбасын қолдау орталығының мамандары: психолог Худайбергенова Айбаршын Анарбаевна және заңгер Нубаев Марат Талгатович қатысты.
Тексеру барысында жәбірленуші азаматтармен жеке әңгімелесу жүргізіліп, олардың әлеуметтік-психологиялық жағдайы зерделенді. Қажет болған жағдайда психологиялық кеңес беріліп, құқықтық көмек көрсету бойынша түсіндіру жұмыстары жүргізілді.
Мұндай жұмыстардың негізгі мақсаты – қиын өмірлік жағдайға тап болған азаматтарды қолдау, олардың құқықтарын қорғау және қайталама құқық бұзушылықтардың алдын алу болып табылады.
Алдағы уақытта да бірлескен жұмыстар өз жалғасын табады.