24.02.2026 жылы тұрмыстық зорлық-зомбылыққа қарсы іс-қимыл тобының инспекторлары — полиция капитаны Даулетова А. және полиция аға лейтенанты Құдайбергенова А., Отбасын қолдау орталығының басшысы Қаржау О., Жастар ресурстық орталығының өкілі Г. Башимова, Вагулин ауылдық округінің учаскелік инспекторлары — полиция капитаны А. Қадыров пен полиция майоры Р. Бақтыбаев, сондай-ақ ауылдық округ әкімі И. Шишкина, медицина қызметкерлері мен мектеп өкілдері бірлесіп, көшпелі профилактикалық іс-шара өткізді.
Ведомствоаралық жұмыс тобы аясында профилактикалық есепте тұрған тұлғаларға, сондай-ақ бұрын құқық қорғау органдарының назарында болған азаматтарға тексеру жүргізілді.
Отбасыларға жан-жақты қолдау көрсетілді: Отбасын қолдау орталығы мен Жастар ресурстық орталығы әлеуметтік және консультациялық көмек көрсетіп, киім-кешек пен азық-түлікпен қамтамасыз етті.
Сонымен қатар профилактикалық түсіндіру жұмыстары жүргізіліп, құқықтық көмек көрсетілді.
Мұндай іс-шаралар отбасылық құндылықтарды нығайтуға, құқық бұзушылықтардың алдын алуға және қоғамда қауіпсіз орта қалыптастыруға бағытталған.
Бұл бағыттағы жұмыстар алдағы уақытта да жалғасады. Бірге – қауіпсіз әрі мықты қоғам құрамыз!