Тақырып: «Отбасы – рухани тірек: Отбасындағы құндылықтарды сақтау және нығайту»
Отбасы – әр адамның өміріндегі ең маңызды рухани тірек. Әсіресе жасөспірім кезеңде отбасының қолдауы, түсіністігі мен сенімі үлкен рөл атқарады. Осы бағытта Парасат мектеп-лицейінің 10–11 сынып оқушыларымен тағылымды кездесу өткізілді. Кездесу барысында отбасы құндылықтарының маңызы, ата-ана мен бала арасындағы өзара сыйластық, сенім мен жауапкершілік тақырыптары кеңінен талқыланды. Оқушылар өз ойларымен бөлісіп, болашақ отбасы туралы көзқарастарын ортаға салды. Сонымен қатар, жанжалдың алдын алу жолдары, дұрыс қарым-қатынас орнату мәдениеті және құқықтық жауапкершілік мәселелері түсіндірілді. Іс-шараға:
Әділет капитаны, инспектор психолог Ұлтжанова Алтыншаш Мұқтарқызы
Отбасын қолдау орталығының психологы Худайбергенова Айбаршын Анарбаевна
Отбасын қолдау орталығының заңгері Нубаев Марат Талгатович қатысты.
Кездесудің мақсаты – жастарға отбасының қадір-қасиетін түсіндіру, саналы шешім қабылдауға бағыт беру және болашақта берік, жауапты отбасы құруға негіз қалыптастыру. Берік отбасы – саналы ұрпақтың кепілі!