Кәмелетке толмағандар арасындағы құқық бұзушылықтың алдын алу – басты назарда
Қызылжар ауданы прокуратурасының бастамасымен, аудан әкімінің орынбасары Аzat Ибраевтың қатысуымен жасөспірімдер арасындағы құқық бұзушылықтың алдын алу мәселелеріне арналған ауқымды ата-аналар жиналысы өтті.
Іс-шараға офлайн және онлайн форматта 2000-ға жуық ата-ана қатысты.
Жиынға аудан прокуроры Қайсар Әбішев, қорғаныс істері бөлімі, төтенше жағдайлар органдары, полиция өкілдері, сондай-ақ Солтүстік Қазақстан облыстық Психологиялық қолдау орталығының психологы Елена Мансурова қатысты.
Кездесу барысында келесі мәселелер қарастырылды:
▪ жасөспірімдер арасындағы қылмыстың алдын алу
▪ ата-аналардың бала тәрбиесіндегі жауапкершілігі
▪ отбасы мен мектептің заңға бағынатын мінез-құлық қалыптастырудағы рөлі
▪ проблемалық жағдайларды ерте анықтау
▪ балалар мен жасөспірімдерге уақытылы психологиялық көмек көрсету
Қатысушылар мемлекеттік органдар, білім беру ұйымдары және ата-аналар арасындағы тығыз өзара іс-қимыл ғана өскелең ұрпақ үшін қауіпсіз әрі қолайлы орта қалыптастыруға мүмкіндік беретінін атап өтті.
Бұл бағыттағы жұмыс жалғасатын болады.