Кәмелетке толмағандардың істері жөніндегі комиссияның көшпелі отырысы өтті.
Кәмелетке толмаған балалары бар отбасылардың тұрмыс жағдайын бақылау және алдын алу мақсатында Якорь ауылында кәмелетке толмағандардың істері және олардың құқықтарын қорғау комиссиясының төрағасы А.С. Ибраевтың қатысуымен көшпелі іс-шара ұйымдастырылды.
Ауа температурасының төмендеуі мен аязды күндердің келуіне байланысты өтетін жылыту маусымына үйлердің қысқы дайындығына ерекше назар аударылды. Көшпелі комиссия құрамында кәмелетке толмағандар істері жөніндегі инспекторлар, әкімдік өкілдері, ауылдық округ әкімі және Отбасын қолдау орталығының директоры болды.
Отбасылардың тұрғылықты мекенжайлары бойынша пешпен жылыту жүйесінің жай-күйі, өрт қауіпсіздігі талаптарының сақталуы және кәмелетке толмаған балалардың қауіпсіз өмір сүру жағдайлары тексерілді.
Ата-аналармен (заңды өкілдерімен) профилактикалық әңгімелер жүргізіліп, түсіндіру жұмыстары мен ұсыныстар берілді.