Мемлекет басшысының «Turkistan» газетіне берген сұхбаты Қазақстанды жаңғыртудың жаңа кезеңі отбасы институтын нығайтудан және әлеуметтік әділеттілікті қамтамасыз етуден басталатынын айқын көрсетеді.
«Қазақстан — әлеуметтік мемлекет. Денсаулық сақтау, әлеуметтік қамсыздандыру, ғылым және мәдениет салаларындағы барлық міндеттемелер толық көлемде орындалады». Атаулы әлеуметтік қолдауға, ана мен баланы қорғауға, білім алуға қолжетімділікке және сапалы әлеуметтік қызметтерге басымдық беру отбасылардың өмір сапасын арттыруға нақты жағдай жасайды. Мұндай тәсіл отбасына қамқорлық жасау мемлекеттің стратегиялық басымдығына айналатын жауапты қоғамды қалыптастырады.