25 қараша мен 10 желтоқсан аралығында Қазақстан көлемінде «Гендерлік зорлық-зомбылыққа қарсы белсенді 16 күн іс-қимыл» акциясы өткізіледі.
Акцияның негізгі мақсаты – тұрмыстық зорлық-зомбылық мәселесіне қоғамның назарын аудару, зорлық-зомбылық құрбандарының құқықтарын қорғау және қайғылы жағдайлардың алдын алу. Іс-шара аясында әйелдерге қатысты зорлық-зомбылыққа жол бермеу, ана мен баланы қорғау, сондай-ақ отбасы-тұрмыстық қатынастар саласында құқық бұзушылық жасаған тұлғаларды анықтауға бағытталған жұмыстар жүргізіледі.
Егер сіз немесе сіз білетін адам зорлық-зомбылықтың құрбаны немесе куәгері болса, дереу полицияның 102 нөміріне немесе 111 бірыңғай байланыс нөміріне хабарласу қажет.
Аталған акция қоғамдағы жауапкершілікті арттыруға, қауіпсіз орта қалыптастыруға және әйелдер мен балалардың құқықтарын қорғауға бағытталған маңызды бастама болып табылады.