Солтүстік Қазақстан облысынан келген делегация, СҚО Еңбек ұтқырлығы орталығының директоры Н. Бибулаевтың жетекшілігімен, Түркістан облысы Сайрам ауданына қарасты Леңгір қаласы мен Қарабұлақ ауылына барып, жергілікті тұрғындармен қоныс аудару бағдарламасы және мемлекеттік қолдау шаралары бойынша түсіндіру кездесулерін өткізді.
Сонымен қатар, Қарабұлақ ауылында Д. М. Қонаев атындағы аграрлық-техникалық колледжде білім алушылармен жұмысшы мамандықтардың маңыздылығы және өз білімдерін облысымызда қолдану мүмкіндіктері туралы мазмұнды әңгіме өтті.
Қоныс аударған жағдайда азаматтарға мыналар ұсынылады:
көшуге арналған субсидия — отбасының әрбір мүшесіне 70 АЕК;
коммуналдық қызмет шығындарын өтеу.
Тұрғын үй сертификаты — 4,5 млн теңге;
«Серпін» бағдарламасы аясында тегін оқу;
кепілдендірілген жұмысқа орналастыру;
бүкіл отбасы үшін әлеуметтік кепілдіктер: білім беру, медициналық қызмет, балабақшалар мен мектептер.
📌 СҚО Еңбек ұтқырлығы орталығы бөлімінің басшысы Г.С. Ильясова былай деп атап өтті:
«Бүгінгі таңда Солтүстік Қазақстан облысында бағдарлама қатысушылары үшін барлық жағдай жасалған: тұрғын үй, жұмыс орындары және әлеуметтік инфрақұрылым бар. Біз оңтүстік өңірлердің тұрғындарын қоныс аудару мүмкіндігін қарастыруға шақырамыз және әрбір ниет білдіруші өз білімі мен тәжірибесіне лайықты қолдану таба алатынына сенімдіміз».
📞 Анықтама үшін байланыс телефондары:
8 (7152) 53-11-48
+7 777 114 92 90