Государственные услуги

Мемлекеттік қызметті көрсету бас маманы	Байланыс телефоны
Сергейчева Светлана Антоновна	тел: 8(715 38)-2-37-82 8-747-559-61-01

Қызмет есебі "Солтүстік Қазақстан облысы Қызылжар ауданы Архангельск ауылдық округі әкімінің аппараты"КММ 2022 жылға мемлекеттік қызмет көрсету мәселелері бойынша (DOCX 21 Kb)

ХҚКО қызметкерін үйге қалай шақыруға болады?

Егер адам денсаулығына байланысты қандай да бір мемлекеттік қызметті алу үшін ХҚКО-ға бара алмаса, ол немесе оның өкілдері ХҚКО қызметкерлерін үйге шақыра алады.

Бұл сервисті дене функциясының тұрақты бұзылуы бар, тыныс-тіршілігін шектейтін денсаулығы бұзылған адамдар, оның ішінде 1 және 2 топтағы мүгедектігі бар балалар, ҰОС ардагерлері пайдалана алады.

ХҚКО қызметкерін үйге шақыру үшін клиент немесе оның қамқоршысы байланыс орталығына 1414 нөмірі бойынша қоңырау шалып, осы қызметті алуға өтінім қалдыруы қажет. Осыдан кейін ХҚКО қызметкерлері өтініш берушімен байланысып, барлық қажетті құжаттардың бар-жоғын нақтылайды. Осыдан кейін олар үйге барып мемлекеттік қызмет көрсету күні мен уақытын белгілейді. Сұрау салуды қабылдағаннан кейін ХҚКО операторлары клиентпен жеті жұмыс күні ішінде байланысуға тиіс.

Ең жиі сұралатын мемлекеттік қызметтердің қатарына Паспорт пен жеке куәлік беру, Мүгедектерді сурдотифлотехникалық және міндетті гигиеналық құралдармен қамтамасыз ету, протездік-ортопедиялық көмек көрсету үшін құжаттар дайындау жатады. 

«Азаматтарға арналған үкімет» мемлекеттік корпорациясы» КЕ АҚ СҚО бойынша баспасөз қызметі

 

2023 жылдың басынан бастап ХҚКО-ларда негізгі құжаттарды алу кезінде мемлекеттік баж өзгерді

2023 жылғы 1 қаңтардан бастап 1 АЕК - 3450 теңгені құрайды, ол мемлекеттік баж мөлшерімен тікелей байланысты.

Осыған байланысты қазіргі уақытта Салық кодексіне сәйкес жеке басын куәландыратын құжатты бергені үшін мемлекеттік баж мөлшері 0,2 АЕК, яғни 690 теңгені құрайды.

Төлқұжат едәуір қымбатқа түседі:8 АЕК - 27 600 теңге.

Төлқұжат пен жеке куәлікті беру мерзімі өтініш берілген сәттен бастап 15 жұмыс күнінен аспайды, бірақ процесті ақылы түрде жеделдету мүмкіндігі бар:

Петропавл қаласында жеделдету 3 күн – 4983 теңге, 5 күн - 2752 теңге;

Облыс аудандарында 7 күн - 1116 теңге.

Жарамдылық мерзімі 10 жылды құрайды, содан кейін ауыстыру қажет.

Жүргізуші куәлігі 1,25 АЕК - 4 312 теңге;

Неке туралы куәлік 1 АЕК - 3450 теңге. Қайта беру кезінде 0,5 АЕК - 1 725 теңге;

Ажырасуға өтініш берген кезде мемлекеттік баж 2 АЕК - 6 900 теңге.

Туу туралы куәлік тегін беріледі. Бірақ актінің жазбасын өзгерту, толықтыру, түзету және қалпына келтіру кезінде 0,5 АЕК - 1 725 теңге енгізу қажет. 

«Азаматтарға арналған үкімет» мемлекеттік корпорациясы» КЕ АҚ СҚО бойынша баспасөз қызметі

Мониторинг барысында қызмет көрсетушілер халықтың қауқары аз топтары (бұдан әрі-ХШТ)үшін барлық қажетті жағдайларды жасайтыны анықталды заголовок

https://www.facebook.com/100022777324181/posts/pfbid02u7LVFe5u6hJJ8CkcrA6hmjeNsSkYrLRRkTBHd2hHUCV8vDP7UXBRC6NjTWdeFjRUl/?sfnsn=mo&mibextid=VhDh1V

Азаматтарға арналған үкімет пен Halyk Bank мүлікті кепілден шығару бойынша электронды қызметті іске қосты 

«Азаматтарға арналған үкімет» мемлекеттік корпорациясы Halyk Bank–пен бірлесіп, blockchain технологиясы арқылы жылжымайтын мүлікті кепілден шығару процесін жеңілдетті. Енді банк клиенттері мүлікті ХҚО-ға бармай-ақ кепілден алып тастай алады.

Halyk Bank клиенттері мүліктен кепілді алу үшін Халыққа қызмет көрсету орталығына жүгінбеуіне болады. Бұл blockchain технологиясын енгізу арқылы жүзеге асырылады.

«Азаматтар мүлікті кепілден шығару бойынша өтінімді «Halyk Homebank» мобильді қосымшасында рәсімдеп, төлем жасай алады. Жаңа сервис қызмет көрсету мерзімін үш күннен 5 минутқа дейін қысқартуға мүмкіндік береді. Яғни құжаттарды жинаумен әуреленіп, ХҚО-ға жүгінудің қажеттілігі жоқ» — деп атап өтті «Азаматтарға арналған үкімет» мемлекеттік корпорациясы Басқарма төрағасының орынбасары Асхат Ибраев.

Айта кетейік, Blockchain технологиясының арқасында азаматтардың ХҚО қызметкерлерімен бетпе-бет байланысы да шектелді, бұл деректерді үшінші тұлғаға өткізудің жолын жояды.

Жылжымайтын мүлікті кепілден шығару қызметі қазақстандықтар арасында ең жиі сұралатын қызметтердің бірі екенін жеткіземіз. 2022 жылдың 9 айында Қазақстанда 108 341 мүлік кепілден алынып тасталды.

Биыл маусым айында Мемлекеттік корпорация «Отбасы банкімен» бірігіп, осыған ұқсас онлайн сервисті енгізген болатын. Бүгінде жүйенің көмегімен 600-ге жуық жылжымайтын мүлік кепілден шығарылды.

Еске салайық, Мемлекеттік корпорацияның екінші деңгейлі банктермен ынтымақтастығы аясында азаматтар тұрғылықты жері бойынша тіркелу, автокөлікті қайта ресімдеу, ЖК куәлігін алу, жүргізуші куәлігін ауыстыру, мемлекеттік әлеуметтік жәрдемақы, туу туралы куәлік және басқа да қажетті құжаттарды үйден шықпай-ақ ала алады.

«Азаматтарға арналған үкімет» мемлекеттік корпорациясы» КЕ АҚ СҚО бойынша баспасөз қызметі 

Халыққа қызмет көрсету орталығына келмей-ақ алуға болатын мемлекеттік қызметтер 
Құрметті қызметті алушылар! 

Сіз мемлекеттік қызметтерді онлайн, яғни ХҚКО-ға келместен, келесі тәсілдердің бірімен ала алатыныңызды хабарлаймыз:

1. E-Gov электрондық үкімет порталы немесе E-Gov mobile қосымшасы арқылы;
2. Композиттік;
3. Проактивті.

Мемлекеттік қызметтерді электрондық түрде алудың артықшылығы:

• Жеке уақыт пен ақша қаражатын үнемдеу;
• Кезектердің болмауы;
• Онлайн кеңес алу мүмкіндігі;
• Берілген өтінімнің қаралу мәртебесі туралы ақпарат алу мүмкіндігі;
• Деректерді сақтау мен өңдеудің орталықтандырылған жүйесі болып табылады. 

E-Gov электрондық үкімет порталында немесе E-Gov mobile қосымшасында келесі сұранысқа ие қызмет көрсетулерге өтініш беруге болады:

1. Мемлекеттік базалық зейнетақы төлемі;
2. Мүгедектігі бойынша мемлекеттік әлеуметтік жәрдемақы;
3. Асыраушысынан айрылу жағдайы бойынша мемлекеттік әлеуметтік жәрдемақы;
4. Мүгедек баланы тәрбиелеп отырған анасына немесе әкесіне, бала асырап алушыға, қорғаншысына (қамқоршысына) жәрдемақы;
5. Бала тууға байланысты және баланың бір жасқа толғанға дейінгі күтімі бойынша әлеуметік жәрдемақы;
6. Көпбалалы отбасына берілетін жәрдемақы;
7. Бала кезінен 1-топтағы мүгедектің күтіміне байланысты жәрдемақы;
8. Жерлеуге арналған біржолғы жәрдемақы;
9. Жүктілікке және босануға, жаңа туған баланы (балаларды) асырап алуға байланысты табысынан айырылған жағдайларда төленетін әлеуметтік төлем;
10. Жүктілігі және босануы бойынша табысынан айырылуына байланысты баланың бір жасқа толғанға дейінгі күтімі бойынша әлеуметік жәрдемақы;
11. Жұмысынан айрылу жағдайы бойынша әлеуметтік жәрдемақы;
12. Міндетті әлеуметтік сақтандырудың әлеуметтік аударымдары туралы ақпарат (сілтеме: https://egov.kz/cms/ru/services/job_search/pass171-6_mtszn );
13. Медициналық қызметтер туралы және МӘМС-те көрсетілген сомалар туралы ақпарат (сілтеме: https://egov.kz/cms/ru/services/pension/pass160_mtszn ) ;
14. Зейнетақы аударымдары туралы анықтама алу (сілтеме: https://egov.kz/cms/ru/services/health_care/pass171-2_mz). 

Композиттік қызметтер 

Композиттік қызмет — бұл бір өтініштің негізінде электрондық нысанда көрсетілетін бірнеше мемлекеттік қызметтердің жиынтығы. Мысалы: мүгедектік белгіленген кезде медициналық - әлеуметтік сараптама бөлімшесінің қызметкерлері мүгедектігі бойынша мемлекеттік әлеуметтік жәрдемақы және еңбекке қабілеттілігінен айырылу бойынша әлеуметтік төлем тағайындауға өтінішті бірден қабылдайды және осы ақпаратты Мемлекеттік корпорацияға электрондық түрде жібереді. Тиісінше, Мемлекеттік корпорация осы құжаттарды алғаннан кейін іс макетін қалыптастыру рәсімін бастайды және қалыптастырылған шешім жобасы мемлекеттік органға жіберіледі. 

Әлеуметтік сала бойынша композиттік келесі қызметтер көрсетіледі 

1. Мүгедектігі бойынша мемлекеттік әлеуметтік жәрдемақы;
2. Мүгедек балаларды тәрбиелеп отырған адамдарға берілетін жәрдемақы;
3. Еңбек ету қабілетінен айырылу бойынша әлеуметтік төлем;
4. Жұмысынан айрылу жағдайы бойынша әлеуметтік жәрдемақы. 

Проактивті қызметтер 

Проактивті қызмет — электрондық нысанда көрсетілетін, қызмет көрсету субъектісінің бастамасы бойынша ұсынылатын мемлекеттік қызмет, онда ұялы байланыстың абоненттік құрылғысы арқылы ұсынылған қызметті алу субъектісінің міндетті келісімі қажет.

Бұл (проактивті) қызметтің артықшылығы — мобильді азаматтар базасында (бұдан әрі-АМТ) оның ХҚКО бөлімдеріне жеке жүгінбестен тіркелген адамға, мемлекеттік қызметті үйден шықпай-ақ кез келген ыңғайлы уақытта ресімдеу мүмкіндігі, онда алынған СМС-қа жауап ретінде талап етілетін ақпаратты жіберу жеткілікті.

Ол үшін азаматтарға мобильді азаматтар базасында тіркелу үшін тұрғылықты жері бойынша ХҚКО бөлімдеріне жүгіну қажет немесе жүйе хабарламаны қайда жіберу керектігін білуі үшін "Электрондық үкімет" порталында тіркелуге болады.

Мысалы: бұл баланың туу туралы куәлігін алу, оны балабақшаға кезекке қою және үйден шықпай СМС-хабарламаларға жауаптар арқылы жәрдемақы алу мүмкіндігі.

Қызмет мобильді азаматтар базасында тіркелген жаңа босанған аналарға көрсетіледі.

Қызметті 1414 қысқа нөмірінен келетін СМС-хабарламаларға жауаптардың көмегімен алуға болады.

Бірінші хабарлама бала туылған сәттен бастап бір күн ішінде келеді.

Жауап 3 күн ішінде күтіледі. Егер көрсетілген кезеңде жауап берілмесе, онда көрсетілетін қызметті алушы ХҚКО-ға жүгінуі қажет.

Әрбір келіп түскен SMS-хабарламада жауап беру әдістерінің толық сипаттамасы бар, содан кейін сіз сұраққа дұрыс жауап бере аласыз. Хабарлама ағылшын тіліндегі R бас әріптен басталуы керек тырнақшаларсыз және осы әріптің алдындағы бос орындарсыз. Қате жауап болған жағдайда қате туралы SMS хабарлама келіп түседі және қайтадан жауап беру ұсынылады.

Қызмет мобильді азаматтар базасында тіркелмеген клиентке, сондай-ақ егер оның 2007 жылдан асқан балалары болса немесе 2008 жылға дейін неке қиылған болса, көрсетілмейді.

Мобильді азаматтар базасында "Электрондық үкімет" порталында, ХҚКО-да тіркелуге болады.

Қызмет мүлдем тегін. СМС-хабарламаларды жіберу үшін төлем алынбайды. Бірақ SMS-хабарламаларды жіберу мүмкіндігі үшін оң теңгерім болуы керек. 

Қызметті алушылар келесі әлеуметтік қызметтерді проактивті түрде ала алады:

1. Мүгедектігі бойынша МӘЖ
2. Асыраушысынан айрылу бойынша МӘЖ
3. Бала туу және баланың күтімі бойынша жәрдемақы
4. Мүгедек балаларды тәрбиелеп отырған адамдарға берілетін жәрдемақы
5. Көп балалы аналарға жәрдемақы
6. Көп балалы отбасыларға жәрдемақы
7. Еңбек ету қабілетінен айырылу бойынша әлеуметтік төлем
8. Жұмысынан айрылу жағдайы бойынша әлеуметтік жәрдемақы
9. Табысынан айырылуына байланысты баланың бір жасқа толғанға дейінгі күтімі бойынша әлеуметік жәрдемақы
10. Асыраушысынан айрылу жағдай бойынша әлеуметтік төлем
11. Инфляция деңгейін ескере отырып, нақты енгізілген міндетті зейнетақы жарналарының, міндетті кәсіптік зейнетақы жарналарының сомасы мен зейнетақы жинақтарының (Мемлекеттік кепілдік) сомасы арасындағы айырма төлемі.

«Азаматтарға арналған үкімет» мемлекеттік корпорациясы» КЕ АҚ СҚО бойынша баспасөз қызметі 

Хаттама СҚО Қызылжар ауданы Архангельск ауылдық округі әкімдігінің 2021 жылғы Мемлекеттік қызмет көрсету саласындағы қызметінің есебін жария талқылау туралы (ZIP 13 Kb)

Қызмет есебі "Солтүстік Қазақстан облысы Қызылжар ауданы Архангельск ауылдық округі әкімінің аппараты" КММ 2021 жылға мемлекеттік қызмет көрсету мәселелері бойынша (DOCX 21 Kb)

2020 жылғы «Солтүстік Қазақстан облысы Қызылжар ауданы Архангельск ауылдық округі әкімінің аппараты» КММ-нің мемлекеттік қызметтер көрсету мәселелері жөніндегі қызметінің есебі (ZIP 37 Kb)

Стандартлар:

1. "Мектепке дейінгі ұйымдарға жіберу үшін мектеп жасына дейінгі балаларды (6 жасқа дейін) кезекке қою" мемлекеттік көрсетілетін қызмет стандарты (ZIP 17 Kb)

2. "Жер учаскесін алу үшін кезекке қою" мемлекеттік көрсетілетін қызмет стандарты (ZIP 17 Kb)

3. "Елді мекендер шегінде объектілер салу үшін жер учаскелерін беру" мемлекеттік көрсетілетін қызмет стандарты (ZIP 16 Kb)

    

4.  "Шалғайдағы ауылдық елді мекендерде тұратын балаларды жалпы білім беру ұйымдарына және кейін үйлеріне тегін тасымалдауды ұсыну" мемлекеттік көрсетілетін қызмет стандарты (ZIP 19 Kb)

    

5.  "Сауда-саттықты (конкурстарды, аукциондарды) өткізуді талап етпейтін мемлекет меншігіндегі жер учаскелеріне құқықтар алу" мемлекеттік көрсетілетін қызмет стандарты (ZIP 17 Kb)

    

6. "Жер учаскесін жеке меншікке ақысын бірден төлеп не бөліп төлеу арқылы сату" мемлекеттік көрсетілетін қызмет стандарты (ZIP 15 Kb)

7. "Жер учаскесінің нысаналы мақсатын өзгертуге шешім беру" мемлекеттік көрсетілетін қызмет стандарты (ZIP 17 Kb)

    

 

2019 жылғы «Солтүстік Қазақстан облысы Қызылжар ауданы Архангельск ауылдық округ әкімінің аппараты» коммуналдық мемлекеттік мекемесі мемлекеттік қызметтер көрсету мәселелері жөніндегі қызметі есебі (ZIP 17 Kb)

Ауыл шаруашылық техниканы электрондық форматта техникалық бақылау

«Тракторларды және олардың базасында жасалған өздiгiнен жүретiн шассилер мен механизмдердi, монтаждалған арнайы жабдығы бар тiркемелердi қоса алғанда, олардың тiркемелерiн, өздiгiнен жүретiн ауыл шаруашылығы, мелиоративтiк және жол-құрылысы машиналары мен механизмдерiн, сондай-ақ жүрiп өту мүмкiндiгi жоғары арнайы машиналарды жыл сайынғы мемлекеттiк техникалық байқаудан өткiзу» мемлекеттiк көрсетiлетiн қызметтi электрондық түрде, үйден шықпай, алуға болады, бұл үшiн интернетке қолжетiмдiлiк және ЭЦҚ қажет (қызмет «электрондық үкiмет» веб-порталына жiберiледi) www.egov.kz, www.elicense.kz).

Портал арқылы жүгiнген кезде, мыналар қажет:

• Осы Стандартқа қосымшаға сәйкес электрондық құжат түрiндегi өтiнiш;
• Машинаға тiркеу құжаттың электрондық көшiрмесi (техникалық паспорты).

Портал арқылы — қызмет алушының «жеке кабинетiнде» мемлекеттiк көрсетiлетiн қызмет үшiн сұраухатты қабылдау туралы мәртебесi көрсетiледi.

Портал арқылы жүгiнген кезде қызмет алушының жеке кабинетiнде жыл сайынғы мемлекеттiк техникалық қарауды өткiзуге инженер-инспектордың даярлығы туралы хабарламасы, күндi, машинаның техникалық қарауды өткiзудiң орны мен уақыты көрсетумен, көрсетiледi.

Электрондық үкiмет порталының пайдаланушысына арналған ескертпе (ZIP 28 Kb)

«Үшiншi тұлғамен анықтама алу қызметi» көмегiмен қызметтердi алу бойынша ескертпе (ZIP 2420 Kb)

Telegram мессенджерiнде «EgovKzBot» көмегiмен қызметтердi алу бойынша ескертпе (ZIP 2420 Kb)

2018 жылғы «Солтүстік Қазақстан облысы Қызылжар ауданы Архангельск ауылдық округ әкімінің аппараты» коммуналдық мемлекеттік мекемесі мемлекеттік қызметтер көрсету мәселелері жөніндегі қызметі есебі (ZIP 19 Kb)

 

• 
• 

 

Архангельск ауылдық округi әкiмiнiң аппараты заңды және жеке тұлғаларға көрсетiлетiн мемлекеттiк қызметтердiң тiзбесi

«СҚО Қызылжар ауданы Архангельск ауылдық округі әкімінің аппараты» Мемлекеттік қызмет көрсету нәтижелерін беруді және өтініштерді қабылдауды жүзеге асырады:

ЭЦҚ-сыз қандай Мемлекеттік қызметтерді алуға болады

Электрондық үкімет порталында мемлекеттік қызметтерді алуды жеңілдету мақсатында 03.07.2019 жылдан бастап ЭЦҚ-сыз алуға болатын 61 Мемлекеттік қызмет қолжетімді.

Бұл мемлекеттік қызметтерді Egov арқылы алу үшін ұялы телефон мен Интернетке қол жеткізу жеткілікті. Бұл қалай жұмыс істейді? Бір реттік пароль, бұл сұрау жібергеннен кейін азаматтың ұялы телефонына келіп түсетін sms-хабарлама. Сұрау салушы телефонға тексеру кодын алады, бұдан әрі eGov.kz ескерту. Код енгізілген кезде портал mGov мобильдік азаматтар базасындағы азаматтың нөмірін автоматты түрде тексереді, телефон нөмірі осы базада тіркелген нөмірге сәйкес келген жағдайда сұралған қызметтің нәтижесі дереу ұсынылады. Ұялы азаматтар базасында тіркелу үшін «жеке кабинетке» кіріп, «телефон» бағанында ұялы телефон нөмірін көрсету қажет. Сонымен қатар, телефон нөмірін ЖСН-ге байлауға, сондай-ақ «Азаматтарға арналған үкімет» МК» КЕАҚ-ға хабарласып алуға болады. EGov порталында қолжетімді қызметтердің тізімін ұсынамыз.kz.sms-пароль арқылы.

1. Тұрғылықты жерінен мекенжай анықтамаларын беру;
2. Жеке тұлғаларға жылжымайтын мүліктің жоқ (бар) екендігі туралы анықтама беру;
3. Жылжымайтын мүлікке тіркелген құқықтар (ауыртпалықтар) және оның техникалық сипаттамалары туралы анықтамалар алу;
4. Жеке тұлғалар үшін жылжымайтын мүлікке тіркелген және тоқтатылған құқықтар туралы анықтамалар беру;
5. Жылжымайтын мүлік объектілерінің техникалық паспортын беру;
6. Жылжымайтын мүлік объектілерінің техникалық паспортының телнұсқасын беру.
7. Жылжымайтын мүлік объектілерінің жоспарын (схемасын) қоса алғанда, тіркеу органы куәландырған тіркеу ісі құжаттарының көшірмелерін беру;
8. Жылжымайтын мүліктің меншік иесі (құқық иесі) туралы мәліметтерді қамтитын техникалық паспортқа қосымша беру;
9. Жылжымайтын мүлікке құқық белгілейтін құжаттың телнұсқасын алу;
10. Жылжымалы мүлік кепілін тіркеу тізілімінен үзінді беру;
11. Заңды тұлғаны мемлекеттік тіркеу, филиалды (өкілдікті) есептік тіркеу туралы анықтама алу);
12. Тіркелген заңды тұлға, филиал немесе өкі;
13. Заңды тұлғаның филиалдары мен өкілдіктерінің болуы туралы анықтама алу;
14. Заңды тұлғаның басқа заңды тұлғаларға қатысуы туралы анықтама алу
15. Жеке тұлғаның заңды тұлғаларға, филиалдар мен өкілдіктерге қатысуы туралы анықтама алу;
16. Заңды тұлғаның барлық тіркеу әрекеттері туралы анықтама алу;
17. Белгіленген күнге тіркелген заңды тұлға туралы анықтама алу;
18. Құрылтай құжаттарына енгізілген соңғы өзгерістер туралы анықтама алу;
19. Заңды тұлғаның үлесіне салынған ауыртпалықтар (тыйым салу) туралы анықтамалар алу;
20. Неке қию туралы куәлікті қайталап алуға өтінім беру;
21. Әке болуды анықтау туралы куәлікті қайта алуға өтінім беру;
22. Атын, тегін, әкесінің атын ауыстыру туралы куәлікті қайта алуға өтінім беру;
23. Бала асырап алу туралы куәлікті қайта алуға өтінім беру;
24. Некені бұзу туралы куәлікті қайталап алуға өтінім беру;
25. Туу туралы куәлікті қайта алуға өтініш беру;
26. Атын, тегін, әкесінің атын ауыстыру туралы анықтама алу;
27. Некені бұзу туралы анықтама алу;
28. Неке қию туралы анықтама алу;
29. Баланың туу туралы анықтама алу;
30. Анықтама беру соттылығы бар немесе жоқтығы туралы;
31. Міндетті мемлекеттік тіркеуге жатпайтын жылжымалы мүлік кепілін тіркеу;
32. Баланың тууын тіркеуге электрондық өтініш беру;
33. Некені бұзуды тіркеуге электрондық өтініш беру;
34. Тегін, атын, әкесінің атын өзгертуді тіркеуге электрондық өтініш беру;
35. Құрылатын заңды тұлғаның атауы тіркелген шаруашылық жүргізуші субъектілердің атауымен сәйкестігі туралы анықтама алу;
36. Заңды тұлғаны әрекетсіз заңды тұлға деп тану немесе оның қатысушыларының әрекетсіз заңды тұлғаларға қатыстылығы туралы анықтама алу;
37. Некені тіркеуге электрондық өтініш беру;
38. Қазақстан Республикасының мемлекеттік мұрағаттарынан шығатын және шетелге жіберілетін мұрағаттық анықтамаларға және мұрағаттық құжаттардың көшірмелеріне апостиль қою;
39. Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің және оның аумақтық басқармаларының мұрағаттары шегінде мұрағаттық анықтамаларды және/немесе мұрағаттық құжаттардың көшірмелерін беру;
40. Қазақстан Республикасы Бас прокуратурасының Құқықтық статистика және арнайы есепке алу жөніндегі комитетінің есебі бойынша тұлғаның әкімшілік құқық бұзушылық жасағаны туралы мәліметтер беру;
41. Мемлекеттік мүлікті жалға алушылармен (сенімгерлік басқарушылармен) жасалған жалдау (сенімгерлік басқару) шарттары бойынша Мемлекеттік мүлік тізілімінен шарт бойынша есептеулер, өсімпұл және мемлекеттік бюджетке түскен төлемдер туралы мәліметтерді қамтитын анықтама беру;
42. Мекенжай бойынша тіркелген тұлғалар туралы мекенжай анықтамасын беру;
43. Психоневрологиялық ұйымнан анықтама беру;
44. Наркологиялық ұйымнан анықтама беру;
45. Туберкулезге қарсы ұйымнан анықтама беру;
46. Атаулы әлеуметтік көмек алушыларға өтініш берушінің (отбасының) тиесілігін растайтын анықтама беру;
47. Қазақстан Республикасы халқының тұрғылықты жері бойынша тіркеу;
48. Қазақстан Республикасы халқының тұрғылықты жері бойынша уақытша тіркеу;
49. 16-ға дейінгі балалардың тұрғылықты жері бойынша тіркеу;
50. Тұрғын үй иесінің өтініші бойынша азаматтарды тұрғылықты жері бойынша тұрақты және уақытша тіркеуден шығару;
51. Мұрағаттық анықтамаларды, мұрағаттық құжаттардың көшірмелерін немесе мұрағаттық үзінді көшірмелерді беру;
52. Зейнетақы аударымдары туралы анықтама алу;
53. Бірыңғай жинақтаушы зейнетақы қоры салымшысының (алушының) зейнетақы жинақтарының жай-күйі туралы ақпарат алу;
54. Есепке алу Мемлекеттік кірістер органдарында жүргізілетін берешектің жоқ (бар) екендігі туралы мәліметтерді ұсыну;
55. Негізгі орта, жалпы орта білім беру ұйымдарында экстернат нысанында оқытуға рұқсат беру;
56. Үшінші тұлғалардың анықтамаларды алу сервисі;
57. Жеке істі сұрату;
58. Базалық зейнетақы төлемінің мөлшерін есептеу бойынша анықтама;
59. Жетім баланы және (немесе) ата-анасының қамқорлығынсыз қалған баланы асырап алуға байланысты біржолғы ақшалай төлемді тағайындау;
60. Жұмыс іздеп жүрген адамдарды тіркеу;
61. «Бизнестің жол картасы-2020» бизнесті қолдау мен дамытудың мемлекеттік бағдарламасы шеңберінде шағын және орта кәсіпкерлік субъектілерінің кредиттері бойынша кепілдіктер беру.