Қазақстан Республикасының Президенттігіне кандидат Салтанат Пархатқызы Тұрсынбекованың сенім білдірілген адамдарын тіркеуді аумақтық сайлау комиссияларына жүктеу туралы

«Қазақстан Республикасындағы сайлау туралы» Қазақстан Республикасы Конституциялық заңының 14-бабы 2-1) тармақшасына және 31-бабына сәйкес,      2022 жылғы 13 қазандағы Қазақстан Республикасының Президенттігіне кандидат Салтанат Пархатқызы Тұрсынбекованың өтінішінің және Облыстық сайлау комиссиясының хаттамалық шешімінің негізінде Қызылорда облыстық сайлау комиссиясы ҚАУЛЫ ЕТЕДІ:

1. Қазақстан Республикасының Президенттігіне кандидат Салтанат Пархатқызы Тұрсынбекованың тізімі осы қаулының қосымшасына сәйкес 10 (он) сенім білдірілген адамдарын тіркеу Қызылорда қаласының және аудандардың аумақтық сайлау комиссияларына жүктелсін.
2. Осы қаулы аумақтық сайлау комиссияларына жолдансын және облыстық сайлау комиссиясының интернет-парақшасына орналастырылсын.

Қызылорда облыстық сайлау

комиссиясының төрағасы                                       Ғ.Баймурзаев

Қызылорда облыстық сайлау

комиссиясының хатшысы                                       А.Сырлыбаева

Қызылорда қаласы,

2022 жылғы 13 қазан

№ОСК-389