Қазақстан Республикасы Президенттігіне кандидаттардың сенім білдірілген адамдарының куәліктерін әзірлеу туралы

«Қазақстан Республикасындағы сайлау туралы» Қазақстан Республикасының Конституциялық заңының 14-бабының 2-1) тармағына сәйкес және «2022 жылғы         20 қарашаға тағайындалған Қазақстан Республикасы Президентінің кезектен тыс сайлауы жөніндегі сайлау құжаттарының нысандарын белгілеу туралы» Қазақстан Республикасы Орталық сайлау комиссиясының 2022 жылғы 23 қыркүйектегі              № 67/545 қаулысын, Облыстық сайлау комиссиясының 2022 жылғы 26 қыркүйектегі №168, 2022 жылғы 28 қыркүйектегі №170 хаттамалық шешімдерін басшылыққа алып, Қызылорда облыстық сайлау комиссиясы ҚАУЛЫ ЕТЕДІ:

1. Қазақстан Республикасы Президентінің кезектен тыс сайлауында әзірленуге тиіс Қазақстан Республикасы Президенттігіне кандидаттардың сенім білдірілген адамдары куәліктерінің саны 1600 (бір мың алты жүз) дананы құрайтын болып белгіленсін.
2. Қазақстан Республикасы Президенттігіне кандидаттардың сенім білдірілген адамдарының куәліктерін орталықтандырып әзірлеу үшін Қызылорда қаласы, «Ақмаржан» мөлтек ауданы, №15 мекен-жайында орналасқан «НЖА-Бауыр» жеке кәсіпкерінің баспаханасы айқындалсын.
3. Осы қаулы Облыс әкімі аппаратының бухгалтерлік есеп және есептілік бөліміне, «НЖА-Бауыр» жеке кәсіпкеріне және Қызылорда қалалық, аудандық сайлау комиссияларына жолдансын.

Қызылорда облыстық сайлау

комиссиясының төрағасы                                         Ғ.Баймурзаев      

Қызылорда облыстық сайлау

комиссиясының хатшысы                                        А.Сырлыбаева

Қызылорда қаласы,

2022 жылғы 28 қыркүйек,

№ОСК-170/378