Өнеркәсіп және туризм

Өнеркәсіп

Қызылорда облысының кәсіпкерлік және өнеркәсіп басқармасының негізгі қызмет бағыттары: облыстың жалпы өңірлік өніміндегi шикізат құрайтын бөлігін импорт алмастыратын және экспортқа бағытталған түпкілікті өнiмге бiртiндеп ауыстыру негізінде экономика салаларын әртараптандыру жолымен өңірдің экономикалық өсуіне жету, мемлекеттік саясатты іске асыру және өңірдің индустриялық-инновациялық дамуына үйлестіруді жүзеге асыру, өнеркәсіп салалары және қазақстандық мазмұнды дамытуды үйлестіру және дамуы бойынша мониторинг жүргізу, жер қойнауын пайдалану саласында мемлекеттік саясатты іске асыру болып табылады.

Туризм

Аймағымызда 11 туристік агенттіктер және 109 орналастыру орындары (қонақ үй, хостел, жол бойы кешенді сервисі және т.б.) тіркелген.
Сонымен қатар, Қазақстан Республикасы Үкіметінің 2019 жылғы 31 мамырдағы № 360 қаулысымен «Қазақстан Республикасының туристік саласын дамытудың 2019-2025 жылдарға арналған мемлекеттік бағдарламасы» бекітілді.
Қазақстан Республикасының туристендіру картасына облыстан 3 туристік нысан енгізілді: «Қамыстыбас» демалыс аймағы, «Жаңақорған» шипажайы, «Байқоңыр» ойын-сауық туристік аймағы. Бұл ретте, «Байқоңыр» ойын-сауық туристік аймағын құру туристендіру картасының ТОП-10 нысанына енгізілген.