Жаңақорған ауданында сайлау науқандарын ұйымдастырушыларына арналған оқу семинар өткізілді

2022 жылғы 7 шілдеде Жаңақорған кентінде Қызылорда облыстық сайлау комиссиясы төрағасының орынбасары Б. Накиповтың қатысуымен «Қазақстан Республикасында сайлау науқандарын дайындау мен өткізудің ұйымдастырушылық аспектілері» тақырыбында оқу семинары өтті.

Семинар жұмысына Жаңақорған аудандық сайлау комиссиясы мен Жаңақорған кентіндегі учаскелік сайлау комиссияларының мүшелері қатысты.

Семинар барысында Облыстық сайлау комиссиясы төрағасының орынбасары аудандық аумақтық және учаскелік сайлау комиссияларының мүшелеріне еліміздің сайлау жүйесінің даму перспективалары мен сайлау науқандарын дайындау мен өткізудің ұйымдастырушылық аспектілері тақырыбында дәріс оқып, қатысушылардың көкейіндегі сайлау процесіне қатысты сауалдарына жауап берді.

Естеріңізге салсақ, ү.ж. 10 шілдеде Жаңақорған кенті әкімінің сайлауы өтеді.