2022 жылғы 5 маусымға тағайындалған республикалық референдум кезінде полиграфиялық қызмет өнімдерін дайындау туралы

«Республикалық референдум туралы» Қазақстан Республикасының
Конституциялық заңының 20, 22-баптарына, 29-бабының 1-бөлігіне, «Қазақстан
Республикасындағы сайлау туралы» Қазақстан Республикасының Конституциялық
заңының 38-бабының 2) тармағына сәйкес облыстық референдум комиссиясының
2022 жылғы 18 мамырдағы No150 хаттамалық шешімінің негізінде, Қызылорда
облыстық референдум комиссиясы ҚАУЛЫ ЕТЕДІ:
1) 2022 жылғы 5 маусымға тағайындалған республикалық референдумды
өткізу кезінде дауыс беруге шақыру қағаздарының саны осы қаулының 1-
қосымшасына сәйкес А-3 форматта 10000 (оны мың) дананы, А-5 форматта 180000
(жүз сексен мың) дананы құрайтын болып, нысандары осы қаулының 2-3
қосымшаларына сәйкес белгіленсін.
2) Учаскелік референдум комиссияларының құжаттарының қаптамаларына
арналған 6 түрлі жазбасы бар жапсырмалардың саны осы қаулының 4-қосымшасына
сәйкес 4476 (төрт мың төрт жүз жетпіс алты) дананы құрайтын болып, нысандары
осы қаулының 5-10 -қосымшаларына сәйкес белгіленсін.
3) 2022 жылғы 5 маусымға тағайындалған республикалық референдумды
өткізу кезінде дауыс беруге арналған жәшіктер үшін «Қазақстан Республикасының
ұлттық елтаңбасы» жапсырмасының саны осы қаулының 11-қосымшасына сәйкес
1119 (бір мың бір жүз он тоғыз) дананы құрайтын болып, нысаны осы қаулының 12-
қосымшасына сәйкес белгіленсін.
4) Осы қаулыда көрсетілген полиграфия өнімдерін орталықтандыра
дайындау үшін Қызылорда қаласында орналасқан «Қызылорда қанағаты»
жауапкершілігі шектеулі серіктестігінің баспаханасы айқындалсын.
5) Осы қаулы облыстың аудандары мен Қызылорда қаласының аумақтық
референдум комиссияларына және «Қызылорда қанағаты» ЖШС жолдансын.
Қызылорда облыстық референдум
комиссиясының төрағасы Ғ.Баймырзаев
Қызылорда облыстық референдум
комиссиясының хатшысы А.Сырлыбаева
18.05.2022 жылғы NoОСК-150/349