Аумақтық сайлау комиссиялары мүшелерінің мемлекеттік марапаттары

Қазақстан Республикасы Орталық сайлау комиссиясының марапаттауға ұсынымы бойынша сайлау жүйесінің қалыптасуына қосқан үлесі үшін Қызылорда облысының бірқатар аумақтық сайлау комиссияларының мүшелері мемлекеттік марапатқа ие болды.

Ағымдығы жылдың 11 желтоқсанында облыс әкімі Гүлшара Наушақызы Әбдіқалықова марапаттарды салтанатты түрде табыстады: «Құрмет» орденін - Сырдария аудандық сайлау комиссиясының төрағасы Балшекер Сұлтанбекқызы Өтегеноваға,  «Ерен еңбегі үшін» медалін - Қызылорда облыстық сайлау комиссиясының төрағасы Ғалым Қонақбайұлы Баймырзаевқа және Қазақстан Республикасының Құрмет грамотасын - Қазалы аудандық сайлау комиссиясының хатшысы Әбубәкір Мұратбай Қожамұратұлына.

Марапатталушыларды құттықтаймыз!