Облыстық сайлау комиссиясының көшпелі семинарлары

А.ж. 28-29 қазанында Қармақшы және Арал аудандарында облыстық сайлау комиссиясы мүшелерінің қатысуымен Төретам кенті мен Арал қаласының әкімдерін сайлауды ұйымдастырушыларға арналған оқыту семинар-кеңестері өткізілді.

Облыстық сайлау комиссиясы төрағасының орынбасары Накипов Б.Н. және облсайлауком мүшесі Қ.Наурызбаев сайлауға әзірлік және оны өткізу бойынша сайлау комиссияларының өкілеттіктері, сайлау заңнамасының орындалуын қамтамасыз ету туралы дәрістер оқыды.

Аудандық сайлау комиссияларының төрағалары ағымдағы сайлау науқанының барысы, соның ішінде кандидаттардың ұсынылуы, сайлау учаскелерін материалды-техникалық жарақтандыру бойынша қабылданып жатқан шаралар туралы баяндады.

Учаскелік сайлау комиссияларының басшылық құрамы «ҚР сайлау туралы» Конституциялық заңын білуге арналған тест тапсырды.

Семинарға қатысушылар сайлау комиссияларының дауыс беру күнгі жұмысын ұйымдастыру мәселелерін талқылап, пікір алмасты.