ҚЫЗЫЛОРДА ОБЛЫСЫНЫҢ АУМАҚТЫҚ САЙЛАУ КОМИССИЯСЫНЫҢ ОТЫРЫСЫ ӨТТІ

2026 жылғы 15 қазанда Қызылорда облысының аумақтық сайлау комиссиясының кезекті отырысы өтті.

Отырыста 29 қарашаға тағайындалған мәслихаттар депутаттарының сайлауына дайындық аясында аумақтық және округтік сайлау комиссияларының мүшелерін оқытуды ұйымдастыру, сайлау науқанына қажетті баспа өнімдерін әзірлеу, сондай-ақ №4 сайлау округі бойынша комиссия құрамына өзгеріс енгізу мәселелері қаралды.

Комиссия төрағасы сайлау процесін заң талаптарына сәйкес ұйымдастыруда комиссия мүшелерінің кәсіби даярлығы ерекше маңызға ие екенін атап өтті. Осы орайда округтік сайлау комиссиялары мүшелерінің білім деңгейін арттыру үшін оқытудың озық тәжірибелерін, практикалық және жағдаяттық тәсілдерін кеңінен қолдану қажеттігіне назар аударды.

Сонымен қатар Қызылорда қаласы мен аудандарда көшпелі оқыту семинарларын ұйымдастырудың маңыздылығы ескеріліп, комиссия мүшелерінің практикалық дағдыларын жетілдіруге басымдық берілді.

Отырыс қорытындысында күн тәртібінде қаралған барлық мәселелер бойынша комиссия мүшелері дауыс беру арқылы тиісті шешімдер қабылдады.