Қызылорда облысының жеке және заңды тұлғалардың өтініштерінің қаралуы бойынша 2026 жылдың І жартыжылдығындағы талдамалық анықтама

2026 жылдың I жартыжылдық қорытындысымен Қызылорда облысының жергілікті атқарушы органдарына жеке және заңды тұлғалардан барлығы 29 548 өтініштер түскен, ол өткен жылмен салыстырғанда (26 560 - өтініш) 11 %-ға артқан. Оның ішінде:

2 755 өтініш облыс әкімдігіне (2025 ж. І жартыжылдық - 2588);

11 445 облыстық басқармаларға (2025 ж. І жартыжылдық – 9220);

15 348 аудан, қала әкімдіктеріне түскен (2025 ж. І жартыжылдық – 14742).

Талдау көрсеткендей, қазіргі таңда облыс тұрғындары арасындағы жиі көтеріліп отырған өзекті мәселелер төмендегіше:

№	Өтініште көтерілген салалары	2026 жылдың І жартыжылдық бойынша
1.	Білім мәселесі	7420 (25,11%)
2.	Жер және ауыл шаруашылығы мәселесі	5070 (17,16%)
3.	Тұрғын үй-коммуналдық шаруашылығы	2998 (10,14%)
4.	Денсаулық сақтау мәселесі	1707 (5,78%)
5.	Әлеуметтік көмек	1199 (4,06%)
6.	Мемлекеттік сатып алу	991 (3,36%)
7.	Кәсіпкерлік	773 (2,6%)
8.	Басқалары	9390 (31,79%)
Барлығы		29 548

2026 жылдың І жартыжылдығында статистикалық есепке сәйкес жергілікті атқарушы органдарға түскен 29 548 өтініштердің:

- 7 016 құзыреттілігі бойынша басқа органдарға жолданды;

- 5 406 ішінара немесе толық қанағаттандырылды;

- 2 246 өтініш тоқтатылды;

- 13 199 заң талаптарына сәйкес түсіндірілді;

- 1 665 орындалу мерзімі бар.

Жеке және заңды тұлғалардың өкілдерін жеке мәселелермен қабылдау туралы

 2026 жылдың І жартыжылдығында облыс әкімдігімен 316 жеке және заңды тұлғалардың өкілдері жеке қабылдауда болып, оның: 84-і облыс әкімінің, 232-ы міндеттер бөлінісіне сәйкес облыс әкімі орынбасарларының және аппарат басшысының жеке қабылдауында болып, заңдылыққа сәйкес тиісті тапсырмалар берілген.

          Жеке қабылдауда болған азаматтардың көтерген мәселелері төмендегідей:

№	Жеке қабылдауда көтерілген салалары	2026 жылдың І жартыжылдық бойынша
1.	Пәтер мәселесі және коммуналдық шаруашылық	72
2.	Жұмысқа орналасу	67
3.	Денсаулық сақтау мәселесі	34
4.	Қаржылай қолдау және  әлеуметтік көмек мәселесі	33
5.	Жер мәселесі	16
6.	Білім	15
7.	Кәсіпкерлік	13
8.	Басқа да мәселелер	66
Барлығы		316

Сонымен қатар, облыс әкімі аппаратымен аудандар мен Қызылорда қаласы әкімдері және облыстық басқарма басшыларының қабылдау жүргізу барысына талдау жүргізілді. Атап айтқанда, аудандар мен қала әкімдігінің басшылары – 1 129 тұрғынды, басқарма басшылары 151 тұрғынды жеке қабылдаған.