Жас сайлаушылар клубына біріккен жастар интеллектуалдық сайыста бас қосты

Арал аудандық Жас сайлаушылар клубы мүшелері жазғы маусымға қарамастан түрлі форматта басқосулар мен сайыстар өткізіп келеді. Клуб мүшелері Қызылорда облысының аумақтық сайлау комиссиясы мүшелерін қатыстыра отырып интеллектуалдық сайыс өткізді. Жастар комиссия қызметінің негізгі ұстанымдарына сәйкес “Ашықтық”, “Алқалылық”, “Жариялылық” сынды 3 командаға бөлінді.
Жастардың білім деңгейі мен дайындығын саралау үшін қазылар алқасы ретінде Қызылорда облысының аумақтық сайлау комиссиясының мүшелері қатысты. Олар жастардың сайлау тақырыбындағы базалық білімдері және еркін дауыс беру туралы пікір алмасты.
2 кезеңнен тұратын сайыс жастарға сайлау құқығы және дауыс беру мәдениеті туралы білімдерін жетілдіруге және еркін пікір алмасуға жетеледі.
Сайыс нәтижесімен жеңімпаз жастарға арнайы алғыс хаттар және демеушілер есебінен жасалған сый-сияпаттар берілді.
Айта кетейік, Қызылорда облысында Жас сайлаушылар клубына мүше жастардың саны 150-ге жетті.