Ауыл шаруашылығы өнімдерін сатып алу, өндіру және қайта өңдеу туралы есеп

Қызылорда облысының ауыл шаруашылығы және жер қатынастары саласында 2023 жылдың қаңтар-қараша айларында атқарылған жұмыстар туралы

АНЫҚТАМА

Саланың негізгі көрсеткіштері
Ағымдағы жылдың қаңтар-қараша айларында ауыл шаруашылығында 211 694,3 млн. теңгенің өнімі өндіріліп, 2022 жылдың сәйкесті кезеңімен салыстырғанда нақты көлем индексі 102,5%-ға артты.
Ауыл шаруашылығы негізгі қорына қаңтар-қазан айларында 9 387,5 млн. теңге инвестиция салынып, өткен жылдың сәйкесті кезеңімен салыстырғанда 136,6%-ды құрады.
Тамақ өнімдерін өндірудегі негізгі капиталға қаңтар-қазан айларында 2 182,5 млн. теңге инвестиция салынып, өткен жылдың сәйкесті кезеңімен салыстырғанда 3,1 есеге артты.

Егін шаруашылығы
Егін шаруашылығында биыл 193,4 мың гектар жерге егін егілді. Оның ішінде, 99,9 мың гектарға дәндi дақылдар, 4,5 мың гектарға майлы дақылдар, 69,2 мың гектарға мал азықтық дақылдар, 19,8 мың гектарға картоп, көкөнiс, бақша дақылдары, 89,0 мың гектарға негізгі күріш дақылы егілді.
Облыста егісті әртараптандыру жұмыстары қарқынды жүргізіліп, мал азықтық және майлы дақылдар мен қатар картоп, көкөніс, бақша дақылдарының егіс көлемдерін ұлғайту шаралары жалғасуда.
Биыл әртараптандыру бағытындағы егіс көлемі 3,0 мың гектарды құраса, су үнемдеу технологиясын қолдану арқылы 872,5 гектар жерге егін егілді.
Облыс диқандары биылғы жылдың аптап ыстығына төтеп беріп, негізгі дақыл күріштен 503 мың тонна өнімді қамбаға құйып, күріштің әр гектарынан 56,5 центнерден өнім алды.
Алдын-ала мәлімет бойынша, дәнді дақылдан 13,7 мың тонна, майлы дақылдан 4,8 мың тонна, мал азықтық дақылдан 290 мың тонна, көкөніс, бақшадан 493,1 мың тонна өнім алынды.

Мал шаруашылығы
Мал шаруашылығы саласында оң динамика қалыптасып, мал басы тұрақты өсіп, өндірілген өнім көлемі артуда.
Облыс бойынша 2023 жылдың 1 желтоқсанына 415,8 мың бас МІҚ, 840,0 мың бас қой мен ешкі, 216,9 мың бас жылқы, 62,9 мың бас түйе және 122,1 мың бас құс тіркелген. Мал басын былтырғы жылдың сәйкесті кезеңімен салыстырғанда МІҚ – 3,2%-ға, қой мен ешкі – 2,9%-ға, жылқы 8,4%-ға, түйе 3,5%-ға, құс 0,4%- ға көбейген.
Есепті кезеңде 36,0 мың тонна ет (тірі салмақта), 85,6 мың тонна сүт және 7,1 млн. дана жұмыртқа өндіріліп, 2022 жылдың сәйкесті кезеңімен салыстырғанда ет өндірісі 2,0 %-ға, сүт өндірісі 1,5%-ға артты.

Экспорт
Статистикаға сәйкес 2023 жылдың 1 қарашасына облыстан 46,4 мың тонна ауыл шаруашылығы өнімдері әлемнің 22 мемлекетіне экспортталды.
Барлық экспортталған өнімнің 85,4 пайызын құрайтын облыстың негізгі дақылы - күріш өнімі, Ресей, Беларусь, Қырғызстан, Әзірбайжан, Өзбекстан, Тәжікстан, Украина, Түркменстан, Грузия, Моңғолия және Ирак мемлекеттеріне экспортталып отыр.
Есепті кезеңге 39 608,5 тонна күріш өнімі экспортталды.
Сондай-ақ, облыстан Ресей, Польша, Литва, Германия, Франция, Грузия, Әзірбайжан,Австрия, Нидерланды, Қытай, Дания және Румыния мемлекеттеріне 1 642,6 тонна балық, Өзбекстан мемлекетіне 102 бас- 28,6 тонна МІҚ, Германия, Дания, Нидерланды, Польша және Франция мемлекеттеріне 2 021,4 тонна қамыс, Ресей және Өзбекстан мемлекетіне 270,0 тонна күріш қалдығы және Қытай мемлекетіне 198,0 тонна күнбағыс тұқымы, 325,7 тонна көкөніс және 178,5 тонна мақсары тұқымы және 227,6 тонна көкөністер, Ресей мемлекетіне 320,0 тонна қызанақ, 1436,0 тонна қарбыз, 115,0 тонна қауын экспортталды.

Инвестициялық жобалар
Агроөнеркәсіптік кешен саласындағы 2023-2026 жылдары іске асырылатын инвестициялық жобалардың жол картасында құны 48,3 млрд. теңгені құрайтын 26 инвестициялық жобалар қамтылған.
Бұл жобалардың жүзеге асырылуы нәтижесінде 618 жаңа жұмыс орны ашылады.
Ағымдағы жылы жалпы құны 7,9 млрд. теңгені құрайтын 11 инвестициялық жобаны жүзеге асыру жоспарлануда.
Осыдан бүгінгі күні жалпы құны 6,2 млрд. теңгені құрайтын 8 жоба жүзеге асырылып, 101 адам тұрақты жұмыспен қамтылды.

Жайылымды басқару мен пайдалану
Мемлекет Басшысының пайдаланылмай отырған ауыл шаруашылығы жерлерін мемлекетке қайтару және елді мекендерді жайылыммен қамтамасыз ету жөніндегі тапсырмасын орындау мақсатында жұмыс тобы құрылған. Ауылдық елді мекендердің жайылыммен қамтамасыз етілуіне 2023 жылдың 1 қаңтардағы статистикалық ақпаратына сәйкес талдау жасалды.
Облыс бойынша өзіндік қосалқы шаруашылықтардағы 1538 мың бас шартты мал басына 1966,5 мың га жайылым алқабы қажет етіледі.
Бүгінгі таңда, облыстағы 146 ауылдық округтің 97 округі жайылыммен толық қамтамасыз етілген, қажет жайылым – 941,0 мың га, қамтамасыз етілгені –941,0 мың га (100%).
29 округ жайылыммен ішінара қамтамасыз етілген, қажетті жайылым – 407,1 мың га, қамтамасыз етілгені –261,2 мың га, жетпейтін жайылым көлемі – 145,9 мың га (36%).
20 округ жайылыммен қамтамасыз етілмеген, қажеті – 618,4 мың га, қамтамасыз етілгені – 234,4 мың га, жетіспейтін жайылым көлемі – 384,2 мың га (62%).
Жалпы облыс бойынша жайылым жетпей тұрғаны – 530,1 мың га, қамтамасыз ету деңгейі – 73,0%.

Ауыл шаруашылығы жерлерін айналымға тарту
Жалпы облыс көлемінде 2023 жылдың осы кезеңіне мақсаты бойынша пайдаланылмаған немесе заңнаманы бұза отырып пайдаланған ауыл шаруашылығы мақсатындағы көлемі 223,7 мың га (бекітілген 200,0 мың га, жоспардың 111,8%) құрайтын 173 жер учаскесі мемлекет меншігіне қайтарылды.
Ауыл шаруашылығы айналымына 295 учаске 68,9 мың га көлемде енгізілді.
Жер учаскелерін электронды түрде сауда-саттықта табыстау
Жер учаскелерін электронды табыстау мәселесі цифрландыру шарасы аясында 2019 жылдан бастап көтерілген. ҚР Жер кодексіне, ережелеріне өзгерістер 2020-2021 жылдары енгізілді.
ҚР АШМ 15.10.2021 жылғы №297 бұйрығымен «Жер учаскелерін немесе жер учаскелерін жалға алу құқығын сату жөніндегі сауда-саттықты (конкурстарды, аукциондарды) мемлекеттік мүлік тізілімінің веб-порталында электрондық түрде ұйымдастыру мен өткізу қағидалары» бекітілді.
2023 жылы Қызылорда облысы бойынша 115 аукцион өткізіліп, көлемі 55,8 гектар 161 жер учаскесі сауда-саттықпен табысталған.

Қызылорда облысының ауыл шаруашылығы және жер қатынастары саласында 2023 жылдың қаңтар-мамыр айларында атқарылған жұмыстар туралы АНЫҚТАМА 

Саланың негізгі көрсеткіштері

Ағымдағы жылдың қаңтар-мамыр айларында 28 007,3 млн. теңгенің өнімі өндіріліп, 2022 жылдың сәйкесті кезеңімен салыстырғанда нақты көлем индексі 101,9%-ды құрады.

Тамақ өнімдерін өңдеу көлемі 37,5 млрд. теңгені құрап, 2022 жылдың осы кезеңімен салыстырғанда 88,5%-ды құрады.

Ауыл шаруашылығы негізгі қорына 2 316,5 млн. теңге инвестиция салынып, өткен жылдың сәйкесті кезеңімен салыстырғанда 2,2 есеге артты.

Тамақ өнімдерін өндірудегі негізгі капиталға 965,1 млн. теңге инвестиция салыны, өткен жылдың сәйкесті кезеңімен салыстырғанда 87,8 есеге артты.

Егін шаруашылығы

Егіс көлемі

Облыста межеленген ауыл шаруашылығы дақылдарын егу жұмыстары оңтайлы мерзімдеріне сәйкес жүргізіліп, бүгінгі таңда толығымен аяқталды.

Биылғы жылы облыс бойынша жалпы егілген егіс көлемі 195,9 мың гектарға орналастырылса, негізгі дақыл күріш көлемі 88,1 мың гектарды құрады.

Анықтама ретінде: дәндi дақылдар – 100,4 мың га, майлы дақылдар – 5,3 мың га, мал азықтық дақылдар – 70,4 мың га, қант қызылшасы 3 га, картоп, көкөнiс, бақша - 19,9 мың гектар.

Ауыл шаруашылығы құрылымдары биылғы жылдың егісі үшін өткен жылдың күз айларында 4,8 мың га күздік бидай егуді және 41,2 мың га сүдігер айдауды қамтамасыз етті.

Облыста егіс көлемдерін әртараптандыру бағытында қосымша биылғы жылы соя дақылының егіс көлемі 74 гектарға, қант құмайын 221 гектарға жеткізілді.

Сонымен қатар, су үнемдеу технологиясын қолдану арқылы биылғы жылы барлығы 770 гектар жерге ауыл шаруашылығы дақылдары егіледі, оның ішінде 231,5 га көкөніс, 331 га бақша, 12,5 га картоп, 130 га жаңа жоңышқа, 65 га сүрлем жүгері дақылдары орналастырылды.

Қазіргі таңда, облыс көлемінде ауылшаруашылығы дақылдарын агротехникалық талаптарға сай күтіп баптау жұмыстарына кірісіп кетті.

Егілген 88,1 мың гектар күріш егістігінің арам шөптерге қарсы өңдеуге жатқызылған 53,7 мың гектарының, бүгінгі күнге 32,1 мың гектарына (59,8%) жерге химиялық өңдеу жүргізді.

Сол сияқты, үстеп қоректендірілуі межеленген 56,3 мың гектар күріш алқабының 24,3 мың гектарын (43,2%) азотты минералды тыңайтқышымен үстеп қоректендірілді. Аталған жұмыстар жалғасуда.

Облыста маусым айының 1-ші он күндігінен бастап ескі жоңышқа дақылын ору жұмыстары жүргізілуде.

Мал шаруашылығы

Мал шаруашылығы саласында оң динамика қалыптасып, мал басы тұрақты өсіп, өндірілген өнім көлемі артуда.

Облыс бойынша 2023 жылдың 1 маусымына 424,0 мың бас МІҚ, 940,9 мың бас қой мен ешкі, 232,7 мың бас жылқы, 65,2 мың бас түйе және 122,7 мың бас құс тіркелген. Мал басын былтырғы жылдың сәйкес кезеңімен салыстырғанда МІҚ – 7,5%-ға, қой мен ешкі – 1,5%-ға, жылқы 14,9%-ға, түйе 6,2%-ға, құс 0,8%-ға көбейген.

 Есепті кезеңде 14,8 мың тонна ет (тірі салмақта), 33,4 мың тонна сүт және 2,3 млн дана жұмыртқа өндіріліп, 2022 жылдың сәйкес кезеңімен салыстырғанда ет өндірісі 2,6%-ға, сүт өндірісі 1,2%-ға артты.

Экспорт

Статистикаға сәйкес 2023 жылдың 1 мамырына облыстан 11,9 млн. долларды құрайтын 19,1 мың тонна ауыл шаруашылығы өнімдері (күріш, балық өнімдері, күріш қалдығы, қамыс, күнбағыс тұқымы, көкөніс) экспортталып, өткен жылдың сәйкесті кезеңімен салыстырғанда 86,1 пайызды құрап отыр.

Өнімдер әлемнің 18 мемлекетіне экспортталды.

Барлық экспортталған өнімнің 84,4 пайызын құрайтын облыстың негізгі дақылы - күріш өнімі, Ресей, Беларусь, Қырғызстан, Әзірбайжан, Өзбекстан, Тәжікстан, Украина, Түркменстан, Грузия және Моңғолия мемлекеттеріне экспортталып отыр.

Есепті кезеңге 16 153,2 тонна күріш өнімі экспортталып, былтырғы жылдың сәйкесті кезеңімен салыстырғанда 68,9 пайызды құрады.

Сондай-ақ, облыстан Ресей, Польша, Литва, Германия, Франция, Грузия, Әзірбайжан және Австрия мемлекеттеріне 768,9 тонна балық, Германия, Дания, Нидерланды, Польша және Франция мемлекеттеріне 1 491,3 тонна қамыс, Өзбекстан мемлекетіне 190,0 тонна күріш қалдығы және Қытай мемлекетіне 198,0 тонна күнбағыс тұқымы, 325,7 тонна көкөніс экспортталды.

Сонымен қатар, өңделген өнімнің үлесі 98,3 пайызды құрап отыр.

Инвестициялық жобалар

Агроөнеркәсіптік кешен саласындағы 2022-2026 жылдары іске асырылатын инвестициялық жобалардың жол картасында құны 55,9 млрд. теңгені құрайтын 28 инвестициялық жобалар қамтылған.

Бұл жобалардың жүзеге асырылуы нәтижесінде 894 жаңа жұмыс орны ашылады.

Ағымдағы жылы жалпы құны 9 330,0 млн. теңгені құрайтын  10 инвестициялық жобаны жүзеге асыру жоспарлануда.

Осыдан бүгінгі күні жалпы құны 1040,0 млн. теңгені құрайтын 3 жоба жүзеге асырылып, 28 адам тұрақты жұмыспен қамтылды.

Қызылорда облысының ауыл шаруашылығы және жер қатынастары саласында

2023 жылдың қаңтар-ақпан айларында атқарылған жұмыстар туралы

АНЫҚТАМА

Саланың негізгі көрсеткіштері

Статистика деректеріне сәйкес 2023 жылдың қаңтар-ақпан айларында 10,8 млрд. теңгеге өнім өндірілді, нақты көлем индексі 2022 жылдың сәйкесті кезеңімен салыстырғанда 102,0% - ға өсті.

Егін шаруашылығы

Биылғы жылы облыс бойынша 195,6 мың гектарға ауыл шаруашылығы дақылдарын егу жоспарлануда. Оның ішінде дәндi дақылдар 96,4 мың, майлы дақылдар 5,7 мың, мал азықтық дақылдар 73,7 мың, қант қызылшасы 7 гектарды, картоп, көкөнiс, бақша 19,8 мың гектарды құрайды. Негізгі дақыл күрiштің көлемі 83,9 мың гектар.

Биылғы жылдың егісі үшін ауыл шаруашылығы құрылымдары өткен жылдың күз айларында 4,8 мың га күздік бидай егуді және 41,2 мың га сүдігер айдауды қамтамасыз етті.

Көктемгі егін науқанына қажетті ауыл шаруашылығы дақылдарының тұқымдары толық қамтамасыз етілді.

Көктемгі егіс және дала жұмыстарын жүргізуге барлығы 12,1 мың тонна арзандатылған дизель отыны бөлінді.

Қазіргі таңда, көктемгі дала жұмыстарын агротехникалық талаптарға сай оңтайлы мерзімінде сапалы жүргізу үшін дайындық жұмыстары белгіленген жоспарға сәйкес атқарылуда.  

Көктемгі дала жұмыстарынан ақ егісті егу жұмыстары ағымдағы жылдың 10 наурызынан басталды.

 Бүгінгі күнге, облыста барлығы 16,8 мың гектарға ерте егілетін дақылдар егіліп, 46,3 мың гектар ескі жоңышқа мен 5,8 мың гектар күздік бидай күтімге алынды.

Негізгі дақылы күріш егу жұмыстары ағымдағы жылы сәуір айының үшінші онкүндігінде басталады. Көктемгі дала және егін егу жұмыстары жалғасуда.

Көктемгі дала және егін егу жұмыстарының атқарылу барысы тұрақты бақылауда.

Мал шаруашылығы

Мал шаруашылығы саласында оң динамика қалыптасып, мал басы тұрақты өсіп, өндірілген өнім көлемі артуда.

Облыс бойынша 2023 жылдың 1 наурызына 390,4 мың бас МІҚ, 725,7 мың бас қой мен ешкі, 214,9 мың бас жылқы, 58,7 мың бас түйе және 124,2 мың бас құс тіркелген. Мал басын былтырғы жылдың сәйкес кезеңімен салыстырғанда МІҚ - 6,1%-ға, қой мен ешкі - 1,6%-ға, жылқы 14,1%-ға, түйе 7,5%-ға көбейген.

Есепті кезеңде 6,1 мың тонна ет (тірі салмақта), 11,4 мың тонна сүт және 0,7 млн дана жұмыртқа өндіріліп, 2022 жылдың сәйкес кезеңімен салыстырғанда ет өндірісі 2,7%-ға, сүт өндірісі 1,0%-ға, артты.

Экспорт

Статистикаға сәйкес 2022 жылы облыстан 61,9 млн. долларды құрайтын 112,4 мың тонна ауыл шаруашылығы өнімдері экспортталды. Өнімдер әлемнің 23 мемлекетіне экспортталды.

Барлық экспортталған өнімнің 89,4 пайызын құрайтын облыстың негізгі дақылы - күріш өнімі, Ресей, Беларусь, Қырғызстан, АҚШ, Әзірбайжан, Өзбекстан, Моңғол мемлекеті, Тәжікстан, Түркмения, Украина, Грузия, Литва, Түркия және Ирак мемлекеттеріне экспортталды.

Сондай-ақ, облыстан Ресей, Әзербайжан, Польша, Грузия, Венгрия, Литва, Германия, Чехия, Нидерланды, Франция, Қытай және Австрия мемлекеттеріне 3 575,7 тонна  балық, Германия, Дания және Нидерланды мемлекеттеріне 2 664,7 тонна  қамыс, Ресей, Өзбекстан және Тәжікстанға 1 466,8 тонна күріш қалдығы, және Ресей мемлекетіне 280,0 тонна  қызанақ, 2 183,0 тонна қарбыз, 325,0 тонна қауын, Қытай мемлекетіне 1 244,8 тонна көкөніс және 124,3 тонна күнбағыс тұқымы экспортталды.

Инвестициялық жобалар

Өңірдің азық-түлік қауіпсіздігін қамтамасыз ету мақсатында агроөнеркәсіптік кешен саласындағы 2022-2026 жылдары іске асырылатын инвестициялық жобалардың жол картасы бекітіліп, облыс бойынша құны 55,9 млрд. теңгені құрайтын 28 инвестициялық жобалар қамтылған. Өз кезегінде, 894 жаңа жұмыс орны ашылатын болады.

2023 жылы жалпы құны 7364,0 млн. теңгені құрайтын 16 инвестициялық жобаны жүзеге асыру жоспарлануда.

Саланың негізгі көрсеткіштері

Статистиканың мәліметіне сәйкес 2022 жылдың қаңтар-желтоқсан қараша айларында 178 107,1  млн. теңгенің өнімі өндіріліп 2021 жылдың сәйкесті кезеңімен салыстырғанда нақты көлем индексі 101,8%-ға артты.

Тамақ өнімдерін өңдеу көлемі 72 642,3 млн. теңгені құрап, 2021 жылдың осы кезеңімен салыстырғанда 106,3%-ға артты.

Егін шаруашылығы

Ағымдағы жылы статистикалық мәліметке сәйкес облыс бойынша 188,5 мың гектарға ауыл шаруашылығы дақылдары орналастырылды. Оның ішінде дәндi дақылдар 91,7 мың гектар, майлы дақылдар 5,9 мың гектар, мал азықтық дақылдар 71,3 мың гектар, картоп, көкөнiс, бақша 19,6 мың гектар. Негізгі дақыл күрiштің көлемі 78,6 мың гектарды құрады.
Су тапшылығына байланысты күріш дақылының көлемі өткен жылмен салыстырғанда 5,0 мың гектарға дейін азайтылып, орнына суды аз қажет ететін егістікті әртараптандыру бағытындағы мал азықтық және майлы дақылдармен қатар картоп, көкөніс, бақша дақылдарының егіс көлемдері өткен жылмен салыстырғанда 7,3 мың гектарға дейін артып, жалпы егіс көлемі 541 гектарға көбейді.
Сонымен қатар, облыста егісті әртараптандыру бағытында жүгері дақылы 1 945 гектарға, соя 189 гектарға, қант құмайы 358 гектарға, 3,5 гектарға қант қызылшасы дақылы егілді.
Жалпы егілген ауыл шаруашылығы дақылдарынан жоғары өнім алу мақсатында 59,1 мың тонна минералдық тыңайтқыштар, 63,1 мың литр гербицидтер сатып алынып, күріш егістіктерінің 61,4 мың гектары арам-шөптеріне қарсы өңделіп, 65,0 мың гектары тыңайтқыштармен үстеп қоректендірілді.
Күзгі егін жинау науқаны оңтайлы мерзімінде жүргізіліп, толық аяқталды.

Мал шаруашылығы

Облыс бойынша 2022 жылдың 1 желтоқсанына 402,8 мың бас МІҚ, 815,7 мың бас қой мен ешкі, 200,0 мың бас жылқы, 60,7 мың бас түйе және 121,5 мың бас құс тіркелген. Мал басын былтырғы жылдың сәйкес кезеңімен салыстырғанда МІҚ-7,9%-ға, қой мен ешкі-4,4%-ға, жылқы 16,5%-ға, түйе 7,0%-ғажәне құс 1,7%-ға көбейген.
Осы есепті кезеңде 35,2 мың тонна ет (тірі салмақта), 84,3 мың тонна сүт және 7 379,8 мың дана жұмыртқа өндіріліп, 2021 жылдың сәйкес кезеңімен салыстырғанда ет өндірісі 2,1%-ға, сүт өндірісі 1,4%-ға және жұмыртқа өндірісі 2,2%-ға артты.

Экспорт

Статистикаға сәйкес 2022 жылдың 1 желтоқсанына облыстан 58,0 теңгені құрайтын 105,2 мың тонна ауыл шаруашылығы өнімдері (күріш, балық өнімдері, күріш қалдығы, қамыс, қарбыз, қауын, көкөніс, қызанақ, күнбағыс тұқымы) экспортталып, өткен жылдың сәйкесті кезеңімен салыстырғанда 160,2 пайызды құрап отыр.

Өнімдер әлемнің 23 мемлекетіне экспортталды.
Барлық экспортталған өнімнің 89,3 пайызын құрайтын облыстың негізгі дақылы - күріш өнімі, Ресей, Беларусь, Қырғызстан, АҚШ, Әзірбайжан, Өзбекстан, Моңғол мемлекеті, Тәжікстан, Түркмения, Украина, Грузия, Литва, Түркия және Ирак мемлекеттеріне экспортталып отыр.
Есепті кезеңге 93,9 мың тонна күріш өнімі экспортталып, былтырғы жылдың сәйкесті кезеңімен салыстырғанда 153,1 пайызға артты.
Сондай-ақ, облыстан Ресей, Әзербайжан, Польша, Грузия, Венгрия, Литва, Германия, Чехия, Нидерланды, Франция, Китай және Австрия мемлекеттеріне 3 295,3 тонна  балық, Германия, Дания және Нидерланды мемлекеттеріне 2 472,1 тонна қамыс, Ресей, Өзбекстан және Тәжікстанға 1 426,8 тонна күріш қалдығы, және Ресей мемлекетіне 280,0 тонна қызанақ, 2 183,0 тонна қарбыз, 325,0 тонна қауын жөнелтілді.

Сонымен қатар, Қытай мемлекетіне 1 244,8 тонна көкөніс және 20,1 тонна күнбағыс тұқымы экспортталды.

Ауыл шаруашылығы өнімдерің өңдеу
2020 жылдың қаңтар-мамыр айларындағы статистикалық деректер бойынша ауыл шаруашылығы өнімдерінің өңдеу саласында барлығы 22,2 млрд.теңгенің өнімі өндіріліп, өткен жылдың осы кезеңімен салыстырғанда 27,0%-ғаартты.
Ауыл шаруашылығы өнімдерінің өңдеу көрсеткішінің артуына жас немесе тоңазытылған еттің 115,8%-ға, шұжықтардың 107,4%-ға, консервіленген өнімдердің 124,3%-ға, ақталған күріштің 1,8 есеге артуы есебінен қол жеткізілді.
Экспорт
2020 жылдың 1 мамырына статистикалық деректерге сейкес облыстан
13,9 млн. долларды құрайтын 38,9 мың тонна ауыл шаруашылығы өнімдері (балық, күріш, бидай қалдығы, қамыс) экспортталып, өткен жылдың сәйкесті кезеңімен ақшалай мәнде салыстырғанда 116,7 пайызға артып отыр (салмақ бойынша 133,7 пайызға артты).
Экспортталған өнімдер тізбесі толығымен өңделген өнімдерді құрайды.
Барлық экспортталған өнімнің 93,8 пайызын құрайтын облыстың негізгі дақылы - күріш өнімі, Ресей, Қырғызстан, Беларусия, Әзірбайжан, Моңғол мемлекеті, Тәжікстан, Украина, Өзбекстан, Түркмения және Ирак мемлекеттеріне экспортталып отыр.
Есепті кезеңге 36,6 мыңтоннакүріш(10,6 млн.доллар) аталмыш мемлекеттерге экспортталып, былтырғы жылмен салыстырғанда 127,5 пайызға артып отыр.
Әлеуметтік маңызды азық-түлік тауарларының бағаларын тұрақтандыру шаралары
Статистикалық жедел ақпарат бойынша 30 маусымдағы жағдайына әлеуметтік маңызы бар негізгі азық-түлік тауарларының индексі 105,6% құрап отыр, республикалық (ҚР – 105,5%).
Жыл басынан бері 19 әлеуметтік маңызы бар азық-түлік тауарлары бойынша:
- 13 өнім бойынша баға жоғарылады: бірінші сортты бидай ұны-8,4%, рожки-2,1%, қарақұмық жармасы-28,3%, сары май-2,5%, күнбағыс майы-5,8%, сиыр еті-4,5%, тауық еті-2,4%, сүзбе-1,7%, картоп-62,6%, сәбіз-50,5%, пияз-49,3%, қант-10,0%, тұз-2,2%
- 3 өнімге баға төмендеді: күріш-4,0%, қырыққабат-47,1%, жұмыртқа-23,5%;
Тұрақтандыру қорын әлеуметтік маңызы бар азық-түлік өнімдерімен толықтыру мақсатында облыстық бюджеттен 4276,7 тонна өнім сатып алуға 847,8 млн.теңге бөлінді (оның ішінде облыстың жергілікті атқарушы органының резервінен шұғыл қажеттіліктерге 105,8 млн. теңге, сондай-ақ облыстық бюджеттен 742,0 млн. теңге).
Бүгінгі күні бөлінген қаражаттан 4234,4 тонна өнім сатып алынды (204 тонна өсімдік майы, 2075,1 тонна ұн, 500 тонна күріш, 268 тонна қант, 200 тонна макарон, 68 тонна қарақұмық жармасы, 24 тонна тұз, 35 тонна қырыққабат, 500 тонна картоп, 200 тонна сәбіз, 50 тонна сиыр еті, 50 тонна тауық еті, 47 тонна сүт, 12 тонна айран, 300 килограмм сүзбе, 1 тонна сары май, 2 млн. дана тауық жұмыртқасы).
Қазіргі таңда тұрақтандыру қорында 3144,0 тонна өнім және 1,5 млн. дана тауық жұмыртқасы бар.
Қазіргі таңда 30 әлеуметтік дүкендер жұмыс жасап тұрса, оның ішінде, үстіміздегі жылдың мамыр айында Қызылорда қаласы, Бейбітшілік көшесі 24А - Дүйсенов көшесінің қиылысында әлеуметтік маркет ашылды. Жыл аяғына дейін қосымша 32 дүкеннің ашылуы жоспарлануда.
Үстіміздегі жылы облыста қосымша 2000 тонналық заманауи жабдықталған көкөніс сақтау қоймасы іске қосылып, тұрақтандыру қорына сатып алынған өнімдер осы қоймаға қабылданып сақталуда.
Облыс әкімдігімен өңірлік тұрақтандыру қорының өнімдерін аудан орталықтарында сату жөніндегі кесте бекітіліп, жыл басынан аудандар мен Байқоңыр қаласында 27 рет автокөлік үстінен сатылымдар ұйымдастырылды.