Облыстық мәслихаттың Экономика, әлеуметтік және құқықтық мәселелері жөніндегі тұрақты комиссиясының кеңейтілген отырысы басталды

Облыстық мәслихаттың Экономика, әлеуметтік және құқықтық мәселелері жөніндегі тұрақты комиссиясының кеңейтілген отырысы басталды. Отырысқа облыстық мәслихат депутаттары Ж.Ысқақ, М.Нәлібаев, Ә.Шаймағамбетов, С.Мұстафа, Г.Мұсаева, Н.Әмитов, Н.Бақытбекұлы және ZOOM бейне-конференция байланысы арқылы І.Тілеп қатысты.
Депутат, Экономика, әлеуметтік және құқықтық мәселелері жөніндегі тұрақты комиссияның төрағасы Балжан Шәменованың төрағалығымен өткен комиссияның кеңейтілген отырысында тиісті облыстық басқарма басшыларының және жауапты мамандарының қатысуымен «2025-2027 жылдарға арналған облыстық бюджет» жобасы талқыланып, облыстық дін істері, мемлекеттік сатып алу және облыстық бақылау жөніндегі басқармаларының басшылары хабарлама жасады.
Отырыс барысында мәслихат депутаттары тарапынан ұсыныс-пікірлер мен бірқатар сауалдар көтеріліп, жоспарланған жобалардың түпкілікті нәтижесіне қол жеткізу мәселесі айтылды. Сондай-ақ, басқарма басшылары да депутаттарға кей мәселелерді қолдау туралы өз ұсыныстарын жеткізді
Айта кетсек, аталмыш комиссия отырысы жалғасады және алдағы уақытта барлық бағдарламалар әкімшілерінің есебі тыңдалатын болады.